Dili- 16 -09-2022-Daniela Mendonsa idade 14 (anos) husi suku Maulau, Postu Maubisse Munsipiu Ainaro, hola pozisaun hanesan Sekretária Estadu Iguáldade no Inkluzaun (SEII) nudár parte ida husi partisipasaun labarik sira nian atu kuñese Instiusaun Governu nia servisu, liu-liu iha assunto Iguáldade Jeneru no promove direitu feto sira nian.
Aktividade ne’ebé Daniela Mendonsa halo durante oras 1 mak lidera enkontru hamutuk ho Sekretária Estadu Iguáldade Jeneru atual Sra. Maria do Rosário fátima Correia no Departamentu sira, durante lidera enkontru refere Daniela husu ba Jestóra iha diresaun sira SEII atu atualiza progresu servisu sira, problema sira ne’ebé hasoru inklui mos planu sira ba oin
“ Ohin hau hakarak koalia buat importante tolu ne’ebé kada diresaun bele hatoo primeiro kona ba prosesu servisu, Segundo kona ba problema saida mak diresaun sira hasoru durante implementasaun servisu no terçeiru planu saida mak sei halo ba oin”. Hateten Daniela
Daniela hatutan tan, Durante enkontru ne’e husi Diretóra Nasionál Dezemvolvimetu Jéneru Sra. Francisca de Souza atualiza servisu sira ne’ebé durante ne’e halo ona mak hanesan halo analiza ba proposta sira husi Grupo Feto sira husi Munisipiu, halo mos koordenasaun ho Mídia atu halo talk show, halo preparasaun ba Selebrasaun Loron Mundiál ba Feto rurál
“ Durante semana hira ne’e ita halo analiza ba proposta husi Gropu no NGO sira ne’ebé atu priense ba fundus husi SEII ne’ebé halo ona avaliasaun ba proposta, halo mos koordenasaun no mídia ba programa talk show ne’ebé sei halao iha Quinta-feira agora, atende mos estudate sira husi UNPAZ no UNTL ne’ebé halo peskiza hodi hetan informasaun asunto iguáldade jeneru, violensia bazeia ba jeneru, halo mos preparasaun ba 15 de Outubro kona ba selebrasaun loron international feto rurál, no tempu badak sei asina akordu ho Grupo benefisiariu sira iha Munisipiu Liquisa, Ermera no Bobonaro ba fundus husi Sekretaria Estadu Iguáldade Jeneru nian”. Hatutan nia
Iha lidera enkontru ne’e remata, Daniela ho agradesimentu ba SEII no ekipa sira inklui hato’o mos nia preokupasaun ida kona ba labarik sira ne’ebe kaben sedu no isin rua sedu atu bele sai atensaun ba Sekretária Estadu Iguáldade no Jeneru
“Agradese ba Sekreatria Estadu Igualdade no Inkluzaun ba oportunidade ne’ebé fo mai hau, Ita nia preokupasaun no sosiadade tomak nia preokupasaun mos presiza hare ba kampaña no advoksia ba asunto labarik feto sira kaben sedu no isin rua sedu “. Daniela sujere
Entertantu aktividade labarik feto foti pozisaun (Girls Take Over) ne’e organiza husi Plan International Timor-Leste ne’ebé organiza dezde tinan 2012 too agora nudár parte kampanha ba Direitu Labarik feto sira nian iha ambito komemorasaun loron Mundial Labarik feto iha dia 11 de Outubro tinan 2022 atu nune’e bele fo espasu ba labarik sira atu aprende, lidera, foti desizaun no moris buras iha sira nia sosiadade no garante partiispasaun labarik feto no feto foinsa’e sira iha Timor-Leste.
Jornalisa : Kontributór
Editor : Lian Orluli
