Loron Rua Fulan Juñu Tinan hirak ba kotuk,
Iha Cidade Dili Timor LoroSae;
Cidade ne’ebé manas no nakonu ho Movimento Barulho tun sae;
Teki Teki Cidade ne’e Nakfila ba Hakmatek no Malirin, Ema hotu hakfodak Saida mak Acontece?
Abu-Abu Falun Rai
Kamat We Lori fakar sai Udan sedu deit iha dader kmanek ida ne’e, Saida mak Akontese?
Udan malirin furak ida ne’e nakfilak ba triste, ba Timor Oan tomak.
Ba sa, sinal ne’e kasu lia recado liu husi Rai Tarutu, Povo Doben laran triste sinal ne’e hatudu duni katak Nia Timor nia Oan, Nia Ramelau nia Oan, Nia Rai Klaran nia Oan ne’ebé ukun nakonu ho Domin husik hela ona Nia Rai no Nia Povo Doben ida ne’e.
Povo Tomak hosi LoroSae to LoroMonu – TasiFeto to TasiMane, neon susar laran mukit tutur liman hodi dehan “Nia mak ukun nain ne’ebé nakonu ho Domin” Natureza deit mos triste ba Nia.
Ba sa udan Rihik ne’ebé suli sedu deit iha dader kmanek ne’e nakfilak ba Matawen no Nia husik ita sedu deit.
Rai tarutu makas iha dader kmanek ida ne’e, lori Recado ba nia Emar no Nia Rai mak Nia Hadomi, Sedu liu Nia husik Ita.
Lasama O Manu Aman Rai ne’e nian;
Lasama to ohin Loron Ami laran sei triste hanoin ba O;
Lasama O mak inspirador mai ami foin sae;
Lasama O ba kleur ona maibe O nia naran sei lalakon, O mak Lasama uluk, Lasama Ohin no Lasama ba Futuro.
Lasama O ba kleur ona Maibe O nia Domin nafafin iha ami nia Fuan, O mak ami Foin Sae nia Mata Dalan.
Ami Fiar iha ne’eba O sei labaruk atu fanu Ami Jerasaun Foun no Loke Ami neon hodi Hadomi Rai no Povo ida ne’e hanesan uluk O halo ona mai Ami no Rai ida ne’e.
Deskansa ho Dame Aswain.
“Mário Mau-Lore Araújo”
Knua Mau-Lore Central 02-06-2018
