Lian Orluli, Maubisse, 7 Novembru 2025 — To’o ohin loron, abitante Aldeia Quiri-Coli, Suco Manetu, postu administrativu Maubisse seidauk hetan Roman Eletrisidade.
Situasaun ida-ne’e ejiste kleur ona no sai hanesan lamentasaun boot ida ba komunidade Iha area rual liu-liu ba estudante sira ne’ebé iha difikuldade atu estuda iha tempu kalan.
Iha deklarasaun, Xefe Suco Manetu hato’o preokupasaun kona-ba falta eletrisidade iha suku refere. Nia espera governu sei atende kedas kestaun ne’e no foti pasu konkretu hodi atende nesesidade báziku komunidade Quiri-coli nian.
“Ita hein katak governu sei atende situasaun susar komunidade Aldeia Quiri-coli nian. Eletrisidade ne’e esensial tebes hodi fasilita atividade loron-loron nian, liu-liu ba eskolante sira ne’ebé hakarak estuda iha tempu kalan,” dehan Xefe Suku Manetu ne’e.
La asesu eletrisidade la’ós de’it fó impaktu ba setór edukasaun maibé mós difikulta atividade ekonómika no sosiál sira.
Komunidade sira depende nafatin ba lampu mina-rai nian ka iluminasaun provizadu sira seluk ba sira nia atividade kalan nian.
Komunidade hein katak, ho atensaun husi governu lokál no sentrál, programa espansaun rede eletrisidade bele to’o lalais iha Aldeia Quiri-coli, nune’e komunidade sira bele goza benefísiu husi dezenvolvimentu ne’ebé ekuitativu.
Adminstrador Postu Administrativu Maubisse, Joaquim Salsinha Soares rekonhese, aldeia Quiri-Coli sedauk asesu romana eletrisidade, maibe’e dadaun ne’e husi ekipa EDTL halo ona levantementu ikus no tama ona iha prosesu tenderijasaun
“Los Tinan barak la Asesu maibe ita buka meus ona Prosesu Eletrisidade Suku Manetu Aldeia Quiri Coli oras ne tama ona iha prosesu tenderizaun no Ohin ohin Ekipa EDTL Nasiona no Municipio tun ikus ba halo levantemtu” Nia hakotu
Ekipa Redasaun
