Lian Orluli— Ainaro-Diretóres servisu Munisipál realiza sorumutuk ho Prezidente Autoridade Munisípiu Ainaro hodi aprezenta relatóriu Anuál tinan 2024 ba prezidente Autoridade Munisípiu Ainaro iha Salaun VIP
Prezidente Autoridade Munisípiu Ainaro, Manuela Georgina Carmo Bucar Corte-real hateten Relatóriu Anual ne’e sai hanesan sasukat ida hodi identifika problema no dezafiu sira iha tinan 2024 iha Munisípiu Ainaro, nune’e bele hadia, liu-liu iha area edukasaun, agrikultura, Bee, Saneamentu, no seluk tan
“Relatoriu últimu trimestre iha 2024 nian, entaun ita hare’e katak iha ezekusaun ne’e metade ida ita tau ne’e atinji kalae, ohin kuaje diresaun hotu hotu halo aprejentasaun iha barak la konsege atinji metas ne’e tanba iha obstaklu barak, ita identifika ona mais ou menus iha 2025 ne’e, ita bele mellora servisu, hadia ita nia servisu, oinsá ita nia aprosimasaun liu-liu iha Agrikultura, aprosimasaun ho agrikultores sira, aprosimasaun ho ita nia Komunidade sira nune’e sira bele hola parte hotu, atu nune’e objetivu prinsipál husi Munisípiu katak ita bele hadia moris di’ak ba ita nia Komunidade la’ós ita atu atinji 100% maibé ita atu bele hadia “.dehan Presidente Autoridade Munisípiu Ainaro iha Salaun VIP, Kinta ne’e (09/01/2025)
Iha okaziaun ne’e diretór servisu Munisípal Agrikultura Aguida Judit Mendonca hateten liu husi enkontru ne’e atu aprejenta relatóriu, tanba ne’e agrikultura mós iha ona planu tau osan hodi hadia irigasaun, nune’e hodi fasilita agrikultor sira halo natar no apoiu fila rai gratuita ba to’os na’in sira
“Husi ami diresaun sira bele aprejenta kona-ba ezekusaun orsamentu, no atividade tuir programa sira no atividade sira ne’ebé mak durante ne’e ami halo iha tinan 2024, totál orsamentu ne’ebé mak aloka ba iha agrikultura Munisípiu Ainaro, ho totál $3,76,9,61 dollares, Atribui ba iha salario vensementu mak ita iha 296 ital ba iha Bens de servisu ita iha $83 mil ital, ita nia ezekusaun ba iha Bens servisu iha 99,6 % iha planu ba 2025 ita tau ona ba iha irigasaun nian kuaze 10 Mill hodi halo kanalizasaun ba iha irigasaun ba iha ki’ik oan sira ne’ebé maka ne’ebé mak presija iha atu responde emediatamente hadia fasilita Agrikultor sira halai natar“. Nia hakotu.
Enkuantu iha sorumutuk ne’e hala’o iha Salaun VIP. Partisipa masimu husi Diretor servisu Munisípal,19, no Relatorio Annual tinan 2024 ne’ebé enkamina ona ba iha governu sentrál iha loron 15 fulan Janeiru 205.
Jornalista:Sara Lewis
Editor: Lian Orluli
