Lian Orluli — Diretúr Sentru Dezenvolvimentu Inkluzivu Timor-Leste (CDITL Sigla Portugés) Martino Guterres, sosializa formasaun inkluzivu ba komunidade sira iha Ainaro, no formasaun ida ne’e hodi eduka no eleva konsiénsia komunidade atu respeita no utiliza naran diak ba ema ho difisiente, tanba defisiénte sira mos hola parte iha prosesu dezenvolvimentu
“ Vizaun ida mai atu hasae konsiensia ba komunidade oinsa atu utiliza terminolojia ne’ebe maka dignu propriadu ba maluk Defisiénsia sira tuir tipu kondisaun ne’ebé sira iha ho hanoin ida ne’ebe mak atu halo aproximasaun direta ba komunidade nia direitu atu hatene katak ema ho defisiensia mos hola parte iha prosesu dezenvolvimentu’’, esplika Ezekutivu ne’e, sgunda (1/7/2024)
Nia hatutan tan formasaun detra brite ne’e socializa mos ba Autoriedade local, inan,aman, sira atu envolve defisiensia la hare ba sira nia kondisaun fiziku
“ Ami hili munisipiu 4 ne’ebe submete ami nia programa servisu gabinete apoiu sociedade sivil atu tulun no suporta orsamentu halo atividade sosializasaun aumezmu tempu fo formasaun letra breit ba sira no aktividade ida ne’e liga liu ou kompleta ba politika edukasau atu envolve defisiensia sira ne’e la hare ba nia kondisaun fiziku saida deit, no ami la defini nia tipu jeralmente ami sosializa ba hotu-hotu prinsipal liu ba autoriedade lokal familia no inan aman sira, alende ne’e mos entidade hanesan joven sira dalabarak halo interaksaun ba ema defisiensia sira, atu nune’e mimiza dikriminasaun no laiha separasaun entre interasaun sosial ne’ebe maka iha komunidade’’, Diretur ne’e hatutan
Iha sosiedade defisiensia sira partisipa iha area edukasaun menus tebes tanba ne’e, tuir diretor ne’e sei sosializa formasaun ne’e ba professor sira atu iha koñesimentu diak atu utiliza letra no atende ema defisiensia sira ho diak
“ Edukasaun ikluzivo ne’e ita hatene katak ne’e importante tebes ba siénsia entaun hare’e ema defisiensia nia partisipa iha area edukasaun ne’e menus tebes tanba ne’e ami sei fo formasaun ne’e ba professor/a sira atu kapasita sira iha koñesimentu ne’ebe diak atu atende ema defisiensia no utiliza letra ne’ebe mak espesifiku ba defisiensia, primeira fazs ami mai halo sosializasaun iha ne’e no ami sei mai dala ida tan atu identifika no vizita maluk defisiensia sira nia fatin iha Suku no Aldeia ne’ebe maka sira lokaliza ba dadus espesifiku munisipiu ainaro nian ami seidauk iha maibe ami vazeia ba dadus nasional jeralmente tuir dadaus ne’ebe mak iha 50 ital”, Nia hatete
Alende ne’e ADM Postu Ainaro Villa Jerry Manuel Magno nia parte apresia CDITL ba sosializasaun formasaun inklusivu ba komunidade nune’e bele komprende iha konsiensia respeita malu hanesan ema umanu
“ CDITL mai habelar informasaun kona ba situasaun no kondisaun defisiensia ne’ebe moris nu’udar komunidade sosializa ba ita nia komunidade oinsa atu respeita ita nia maluk sira ne’ebe ho kondisaun no fiziku defisiensia iha nia moris loron-loron, sosializa ida ne’e primeira faze hala’o iha munisipiu Ainaro hanesan Administrador apresia iha vontade husi sentru ida ne’e lidera centru husi Sr ne’e ho defisiensia, sosializa sira nia programa ba komunidade sira oinsa atu uza termilojia atu uza prega ba sira defisiensia sira ho rezeita bain-bain mosu ou akontese iha sosiedade ita nunka respeita maluk sira ne’ebe mak ho kondisaun defisiensia, tanba ne’e sira mai socializa ita bele komprende iha konsiensia respeita sira hanesan umanu ho ita ne’ebe mak ho kondisaun normal”, nia hakotu.
Tuir Dadus especifiku Munisipiu Ainaro seidauk hetan maibe husi sosial Munisipiu Ainaro PostuAinaro dadus total 100 ital ema ho defisiensia
Jornalista : Irene Tael
Editor : Lian Orluli
