Lian Orluli— Liu husi diskursu ne’e Prezidente RDTL José Manuel Ramos Horta hateten, loron aniversáriu 48 Proklamasaun Unilateral ba Repúblika Demokrátika Timor-Leste laos fo hanoin deit ba momentu históriku luta ba independensia maibe fo hanoin mos ba futuru iha responsabilidade ba setor hotu-hotu no dedika aan ba prátika sustentavel liliu iha teklojia sira hodi garante ekonomia duru ba povu no koperasaun entre relevante sira no investe iha seyor mais vital atu nunee avansa ba adezaun ASEAN.
“Ita komemora ohin loron, aniversáriu 48 Proklamasaun Unilateral ba Repúblika Demokrátika Timor-Leste nian. Liu kuaze meiu sékulu, oan sira husi rai ida ne’e, ne’ebe impulsionadu ho hakarak ba autodeterminasaun no independénsia, hasa’e sira nia lian hamutuk, proklama soberania nasaun nian. Ohin ita la’ós fó-hanoin de’it momentu históriku ida ne’e, maibé mos hare’e ba futuru ho responsabilidade atu kria dalan foun ba independénsia iha área hotu-hotu.
Iha agrikultura, ita konvokadu atu ema antisipa-an husi limitasaun, dedika-an ba prátika sustentável no inovasaun teknolójiku. Rai ne’ebe ita kuda la’ós deit rai-isin, maibé ita nia fundasaun ba seguransa alimentar no prosperidade ekonómika. Hanesan mos, ita nia tasi no ai-laran ezije jestaun saudável no ekilibradu, atu prezerva rikeza natural ne’ebe ita erda.
Esforsu atu hetan independénsia iha indústria no iha enerjia, importante tebes. Ita tenki aproveita enerjia verde no renovável, la’ós deit hanesan kompromisu ambientál ida, maibé mos hanesan estratéjia ba emponderamentu enerjétiku. Rekursu petróleu no minarál ne’ebe ita iha, dádiva husi rai laran, tenki esplora no transforma ho modu sustentável, hodi garante benefísiu ne’ebé dura ba ita nia povu. Bee, esénsia ba moris, tenki jere ho sabedoria. Ita nia independénsia seiduak kompleta, se ita la bele fo
garantia ba aksesu justu no sustentável ba bee ba ema hotu-hotu. Ne’e desafiu ida ne’ebe ita envolve-an ho determinasaun, rekoñese katak jestaun efisiente ba rekursu ida ne’e mak pré-rekijitu ida ba ita nia dezenvolvimentu. Aleinde ida ne’ebe, wainhira ita avansa tuir diresaun ba adezaun Asosiasaun Nasoens Sudeste Aziátiku(ASEAN) no Organizasaun Mundiál Komérsiu (OMK), ita iha fronteira foun ba independénsia integrasaun rejionál. Ita tenki pozisiona-an atu sai membru ativu iha komunidade global, kompartilla no
absorve koñesimentu, partisipa iha parceiru estratéjiku no konstrui ponte sira ne’ebé liga ita ho mundu. Maibé, essénsia loloos husi proklamasaun foun independénsia mak iha juventude – forsa vital ne’ebé sei hametin futuru ita nian. Ita herdeiru husi legadu ne’ebé konstrui husi juventude sira iha tempu uluk, no agora, iha mundu ne’ebé dinamiku no komplikadu, responsabilidade lideransa iha jerasaun foun sira nia liman. Imi mak arkitetu ba loron oin mai, ne’ebé sai matadalan husi koñesimentu tékniku no siénsia ne’ebé sei forma tranzisaun enerjétiku, sei loke odamatan ba kooperasaun ekonómiku sustentável no sei explora oportunidade sira ne’ebé boot ne’ebé aprezenta iha ita nia oin.
Dezempregu no inseguransa alimentar, ne’ebé agrava iha períodu pandemia COVID-19 nian, impoin hanesan obstákulu signifikativu. Impaktu globál husi pandemia ne’e afeta la’os saúde públika de’it, maibé mós estabilidade ekonómiku. Aleinde ida ne’e, funu iha Ukraina no presaun inflasionáriu ne’ebé sai kauza ba ida ne’e kontribui ba volatilidade presu no distribuisaun ba bens esensiál sira, halo ita nia luta kontra pobreza sai komplikadu liu tan. Ita tenki adota abordajen abrangente no inkluzivu. Investimentu iha edukasaun mak investimentu iha futuru. Ita tenki garante katak labarik hotu-hotu iha asesu ba edukasaun ne’ebé ho qualidade, kapasita sira atu hasoru dezafiu sekulu XXI no kontribui ba dezenvolvimentu sustentável.
Subnutrisaun inan ho oan mak barreira ne’ebé signifikativa ba progresu. Ita presija implementa polítika no programa ne’ebé garante seguransa alimentár, hodi insentiva prátika agríkola sustentável no promove asesu ba ai-han nutritivu. Kria oportunidade empregu, liuliu ba juventude sira, ne’e fundamental atu garante tranzisaun jerasionál Señora no Señor, Distintu konvidadu sira,
Atu Kumpri Objetivu Dezenvolvimentu Sustentável (0DS) mak jornada ida ne’ebé refleta ita nia kompromisu la’ós deit ho ita nia povo rasik, maibé ho komunidade global. Ita determinadu los atu aborda kestaun krusial sira, hanesan erradikasaun pobreza, promosaun ba igualdade jéneru, garante asesu ba edukasaun no saúde ne’ebé ho kualidade, no konstrusaun ba sidadi no polo dezenvolvimentu
sustentável. Atu kumpri ho esperansa no obrigasaun husi ASEAN, ita presiza reforsa ita nia infraestrutura. Konstrusaun ba instalasaun sira ne’ebé bele simu dignitáriu, delegasaun no espesialista sira mak esensiál.
Melloria ida ne’e la’ós de’it hadi’a kapasidade ita nian ba servisu no hospitalidade, maibé mós iha implikasaun positivu ba setór servisu sira, inklui hotél, restaurante, transporte no komunikasaun.
Konstrusaun ba Timor-Leste ne’ebé integradu iha komunidade internasionál presiza investimentu iha infraestrutura digitál, telecomunikasaun efisiente no servisu transporte modernu. Konetividade la’ós de’it asuntu konveniénsia, maibé mós nesesidade ba partisipasaun ativa iha organizasaun internasionál.
Señora no Señor, Distintu konvidadu sira, Se bele, ha’u hakarak remata liafuan badak ne’e ho nota agradesimentu ida ba prezensa husi altu dignitáriu internasionál ida ne’ebé ohin onra ita ho nia ilustre prezensa: Prezidente Guiné-Bissau nian: Primeiru, ha’u hakarak hato’o ha’u nia gratidaun ba prezensa ilustre husi Señor Umaro Embaló, Prezidente Guiné-Bissau, hanesan Konvidadu Honra iha Selebrasaun Timor-Leste nian.
Ne’e hanesan onra ida mai ha’u no povu Timor-Leste atu simu Exeléncia iha ita nia rain la’ós de’ithanesan belun, maibé mós hanesan reprezentante fraternál husi ita nia maun alin no inan feto sira Guiné-Bissau nian.
Ha’u aproveita oportunidade atu estende votu no felisitasaun ne’ebé sinseru ba povu nobre Guiné Bissau ba Komemorasaun ba 509 Aniversáriu Independénsia Nasional Guiné-Bissau nian, ne’ebé selebra iha loron 24 Setembru 2023. Ha’u hanoin ho respeitu ba proklamasaun unilateral ba feitu históriku ida ne’e no aprovasaun ba Konstituisaun Repúblika nian ne’ebé primeiru nia desizaun deliberada husi Assembleia Nacional Popular, ne’ebé halibur iha Matas de Madina de Boé.
Selebrasaun sira ne’e la’ós de’it omenajen ba Aman Fundadór Nasional Guiné-Bissau nian, inklui Líder Saudosu ba Luta Armada, Señor Amílcar Cabral, maibé mós destaka prosesu libertador ne’ebé inspira Proklamasaun Independénsia Nasional Timor-Leste nian iha loron ne’ebé la’o di’ak no haforsa baze dezenvolvimentu. Apoiu ba empreendedorismu, promosaun setór estratégiku no dezenvolvimentu kapasidade sira mak xave ba prosesu hirak ne’e.
28 Novembru 1975, Ha’u labele la mensiona ho gratidaun misaun nobre ha’u nian hanesan Reprezentante Espesiál husi Sekretáriu-Jerál Nasoens Unidas nian iha Misáun UNIOGBIS. Ha’u rai ho apresiasaun boot iha ha’u nia laran memória sira ne’ebé di’ak husi povu Timor-Leste nian, espesiálmente perkursu ne’ebé ha’u halo iha rai laran tomak iha tempu fulan 18 iha misaun ha’u nian.
Ha’u mós hakarak aborda pontu tolu ne’ebé esensiál iha konjuntura internasionál, ne’ebé sai hanesan dezafiu verídiku ba komunidade internasionál, espesiálmente ba sira ne’ebé partilha ami ita nia ideál sira ba liberdade, independénsia, Estadu Direitu, Demokrasia no soberania, ne’ebé ami ita selebra iha momentu ne’e: Primeiru, kondena konflitu armadu iha Faixa de Gaza.
Iha loron 07 fulan Outubru 2023, durante atake surpreza ne’ebé halo husi forsa militár Hamas nian ne’ebé kontrola Faixa de Gaza, halo raptu sidadaun Israelita liu 200, inklui sidadaun sivíl no militár ho idade oioin no sidadaun Israelita liu 1,200 hetan oho, asaun ida ne’ebé konstitui krime grave iha termus Direitu Internasional.
Justifikadu husi direitu autodefesa, Governu Israel hahú operasaun militár ne’ebé laiha presedente no intensifika blokeiu ba área teritóriu ne’e, interrompe komunikasaun no taka netik aksesu ba reabastesimentu ba área teritóriu, ho impaktu humanitáriu ne’ebé aumenta. Timor-Leste kondena forte krime agresaun ba Estadu lsrael no krime sekuestru ho masakre ba sidadaun sivíl ne’ebé labele defende-an. Maibé krime agresaun ba Estadu Israel ne’ebé halo husi forsa militár Hamas nian, la justifika krime seluk hanesan agresaun ba populasaun sivíl ne’ebé labele defende-an, taka no impede aksesu ba medikamentu, produtu aliementar no produtu esensiál sira ba sobrevivénsia populasaun, la justifika destruisaun infraestrutura sivíl ne’ebé jeráliza no aumenta drama humanitáriu no sosial ne’ebé akontese iha área teritóriu ne’e.
Autoridade Hamas nian halo krime grave no desprezível, maibé resposta Israel nian demais liu tan no halo autoridade lsrael nian responsável ba vítima rihun ba rihun husi sivíl (14,758 husi Palestina) no potensiálmente responsável ba krime kontra Umanidade.
Tanba ne’e, ami apela ba sesarfogu imediatu no labele demora iha libertasaun ba dalan forneseimentu no apoiu humanitáriu, atu ajuda vítima sivíl sira ne’ebé ami kondeena forte iha konflitu ne’e.
Segundu, kondena konflitu armadu iha Ukraina: Agresaun Rúsia ba Ukraina, kompleta iha 2024, tinan rua konflitu armadu laiha interrupsaun. Timor-LesteTerseiru, kondena situasaun iha Myanmar: Ami kontinua solidáriu ho Povu no Governu Unidade Nasionál (NUG) Repúblika Uniaun Myanmar nian, espesiálmente ho drama ne’ebé komunidade Rohingya nian hasoru.
Ami kontinua konsidera NUG, iha termus Direitu Internasional, hanesan “governu iha ezíliu” ne’ebé agrupa iha komité reprezentante sira husi Governu no Parlamentu Nasionál Myanmar nian ne’ebé eleitu legítimamente iha eleisaun loron 08 fulan Novembru 2020, iha ne’ebé destaka lideransa S. Exa. Konselleira Estadu no Laureada Nobel Paz, Senhora Aung San Suu Kyi. Atu dehan tan katak sitadu, “governu iha ezíliu” ne’ebe reúne membru sira husi partidu oposisaun ne’ebé eleitu ho demokrasia ba Parlamentu, ne’ebé fó ba nia legitimidade akresida no reprezentativu ba setór sira oioin iha sosiedade Myanmar nian. Nune’e ami kontinua kondena golpe militar ne’ebé akontese iha loron 01 fulan Fevereiru 2021, no ami apela ba Junta Militar atu hahu konsidera legalidade konstitusional no respeita liberdade no direitu fundamentál, espesiálmente tuir pontu lima ne’ebé ASEAN defini hanesan konsensu. Konklusaun: Husi inisiu konflitu armadu iha Faixa de Gaza, ne’ebé hahu iha loron 07 fulan Outubru 2023, no tuir operasaun militár ne’ebé la’o hela ne’ebe halo husi autoridade Israel nian, Nasoens Unidas, liuhusi sira nia ajénsia espesializadu no liuhusi sira nia Sekretáriu-Jerál, denunsia sequestru no masakre ba sidadaun sivíl Israel nian, no reivindika libertasaun ba reféns, maibé mos toma pozisaun kontra blokeiu ba Faixa debGaza, ho proibisaun ba reabastecimentu ba produtu no bens esensiál sira. Sekeretáriu-Jerál mos denúnsia violénsia kombate sira nian, espesiálmente iha alvu sivíl ne’ebé la’ós militár ho rejistu vítima sivil ne’ebé barak-liu, la’ós armadu, inklui labarik, feto no idosu ne’ebé inosente, Kritika kontra Sekretáriu-Jerál Nasoens Unidas nian la’ós justu no mos demonstra arrogánsia ne’ebé boot, bainhira ejije demisaun ne’ebé la’ós justifikadu, la haree ba gravidade oksorénsias ne’ebé ita asistelorloron iha media sosiál. La’ós justu no lahatene fo obrigadu ba Sekretáriu-Jerál Nasaun Unidas nian ne’ebé, husi inísiu, luta ba kauza dame, direitu umanu no dezenvolvimentu sustentável iha eskala global.bTimor-Leste solidáriu ho Sekretáriu-Jerál Nasoens Unidas nian. Obrigadu barak. Maromak haraik nia bensa ba ita hotu”. Diskursu PR RDTL
Lian Orluli
