Ainaro Lian Orlui— Reprezentante família rai-na’in Mário xavier, husu okupante rai iha área Maulore atu selu indiminizasaun, ba reklamante Bendita Ramos
Kinta feira horseik (17/11/22),Tribunal Distrital Suai no Defensor Públiku akompaña ho reklamante núdar rai na’in iha maulore Bendita Ramos akompaña husi família ba halo inspesaun no sukat rai ne’ebé mak okupante sira okupa iha area maulore, ho medida sentu sesenta tres mil (163 mil), kuadradu ne’ebé iha postu administrativu Ainaro vila munisípiu Ainaro.
Reprezentante família rai-na’in Mário Xavier Justifika katak, iha tinan 1912 rai ne’e Maunguru matebian uza hodi halo natar, maibé iha tinan 1975 invazor Indonézia iha Timor, bainhira to’o iha Manutasi Mauguru ho nia oan no família sira halai husik hela natar fatin hira ne’e, no iha tempu Indonézia nian ema okupa no estadu Indonézia fó sertifikadu ba okupante sira ne’e, maibé Mauguru iha oan mane João Xavier matebian ona no nia kaben Bendita Ramos, sei moris nudar titular ba prosesu, hafoin ukun aan reklamante Bendita Ramos núdar João Xavier nia kaben, husu okupante uma kain hitu (7) atu selu indiminizasaun ba reklamante bendita ramos.
“Komesa husi ami nia avó sira mai to iha ami nia Aman iha tinan 1912 kontinua halo natar to tinan 1975, Dili rahun, iha tinan 1976 ami husik hela hare sira iha fatin ne’e hodi rekua ba ai- laran, iha tempu ne’eba ema kaptura João Xavier ho nia ferik oan iha Hato-udo hodi hakoi moris deit iha rai kuak bandeira nia hun, nune’e Amo lori ami fila mai hela iha rai misaun ne’e, no remta iha 1999 ami prosesa kedan ba iha tribunal kona ba rai ida ne’e. tanba ho situasaun halo sira mai hela iha ne’e, no ami mos hakarak fo rekonhese deit katak ne’e João Xavier nia eransa”. Hakturi Mario xavier reprezentante família rai na’in
Nune’e Defensor Públiku Jonas Henrique da Costa hateten, reklamante núdar rai na’in iha faktus maibé defensor ne’e rezeita hatudu iha públiku tamba segredu justisa.
“ Ami mai iha ne’e tanba desputa rai entre sra. Bendita Ramos ho reus sira ne’ebé maka okupa hela, ho nune’e maka sra. Bendita Ramos hodi ba iha tribunal, tanba rai ne’e eransa husi Avó bei ala sira okupa husi 1912 tun mai to iha sra, Bendita nia kaben João Xavier (matebian). no agora dadaun rai ne’e reus sira sei okupa hela, i prosesu ne’e ba iha tribunal liu husi tentativa sra, Bendita hateten katak, karik sira rekonhese nia maka hanesan nain ba rai ne’e, ida ne’ebé maka sira hela ona bele kontinua hela no ida ne’ebé maka mamuk bele fo fila ba nia nain, no ba ida ne’ebé maka estdau harí ona edifisiu ba estado nian sei la foti tanba ne’e kontribui ona ba dejemvolvimentu iha rai ida ne’e,” dehan Defensor Públiku Jonas Henrique da Costa.
Ermina de Araújo, núdar okupante hateten, sira hela iha rai disputa ne’e iha tinan 1983 no iha okupasaun indonézia estadu indonézia haree sidadaun sira hela kleur ona hodi fó sertifikadu, maibé ukun aan rai na’in foin deklara rai ne’e sira nian, tamba ne’e okupante ne’e prontu sei selu indiminizasaun dolar atus lima ($500) ba rai na’in Bendita Ramos, dala ida.
“Momentu ami tun mai hela iha ne’e aii laran fuik, no ami halo uma iha fatin ne’e dut laran bo’ot, iha tinan 1983, durante ami halo to’os no uma iha ne’e ema ida sedauk mai klaim, tanba iha tempu Inadonesia nian estadu hare ami hela kleur ona iha fatin ne’e estadu rasik mai sukat hodi fo sertifikadao mai ami,” dehan okupante Ermina de Araújo.
Durante hala’o inspesaun ba rai ne’e hetan seguransa husi membru komandu PNTL munisípiu Ainaro.
Editor : Orluli news
