Ainaro Lian Orluli-21-09-2022- Dirésaun Jestaun Merkadu (DJM) munisípiu Ainaro durante fulan sia rekolla reseitas hamutuk dolar amerikanu rihun ida resin(1.000)
Diretór jestaun merkadu munisípiu Ainaro Clementino de Araújo informa reseitas ne’ebé dirésaun jestaun merkadu munisípiu Ainaro hatama ba kofre estadu rekolla husi inpostu públisidade naran kompañia sira ne’ebé taka kioske no pamflitu sira iha dalan ninin.
Inpostu públisidade ne’e kompañia sira selu direita iha banku nasional komersiu timor leste-BNCTL Ainaro no resivu banku intrega ba diresaun jestaun merkadu.
“ Reseitas hirak ne’e rekolla de’it iha postu administrativu Ainaro vila seidauk kobre postu administrativu Maubessi Hato-udu no Hatobuilico, tanba dadauk ne’e dirésaun jestaun merkanu Ainaro seidauk iha rekursu hodi destaka ba postu seluk”. Dehan Clementino de Araújo Diretór Jestaun merkadu munisípiu Ainaro
Enkuantu dirésaun jestaun merkadu hari iha tinan 2016 no dirésaun ne’e hahú implementa atividade tinan 2022.
Dadauk ne’e total funsionáriu dirésaun jestaun merkadu munisípiu Ainaro hamutuk na’in tolu alende ne’e dirésaun jestaun merkadu munisípiu Ainaro uza de’it komputador ida no motorizada ida hodi halo atendimentu.
Editor : Lian Orluli
