Lian Orluli-— Ministériu Administrasaun Estatal, MAE liu husi Diresaun Nasionál Administrasaun Dezenvolvimetu Munisipal, DNADM sosializa informasaun hodi fasilita autoridade no servisu munisipal sira elaborasaun planu estratéjiku dezenvolvimentu munisipiu tuir matadaln haruka
Ofisial tékniku DNADM Francisco da Silva Guteres informa, sosializa formasaun ne’e atu diresaun servisu munisipal sira bele halo preparasaun planu estratéjiku konkuli tuir matadalan molok konsellu ministru hatun despaixu ba aprezentasaun esbosu planu munisipiu teritoriu nasionál
“Ohin ami mai iha ne’e atu fahe informasaun ba ita bo’ot sira, oinsa mak ita atu prepara planu dezenvolvimentu munisipiu hotu iha territoriu nasionál inklui autoridade administrativu Atauru, molok ita hein despaixu konsellu ministru ninian, ba aprejentasaun esbosu planu munisipal hotu-hotu nian, ami mai atu habelar informasaun ba servisu munisipal no mos xefe departamentu hotu, tékniku sira hotu inklui asesor, no mos ba ekipa sira aban-bain hodi hala’o servisu husi levantamentu informasaun, hakerek, esbosu aprejentasaun iha konsellu kordenasaun munisipal, deskuti iha redasaun adianta ba iha governu sentral oinsa bele aprova“, dehan Franscisco, Tersa ne’e 17/12/2024
Nia esplika, sosializasaun matadan ne’e tanba dau-daun ne’e iha ona mudansa matadalan ba elaborasaun planu estratéjiku, nune’e kontinua habelar informasaun ba autoridade no kargu xefia sira hodi lao tuir planu nasional nian
“Iha anu lejislatura ba kotuk aprejenta ona esbosu planu estratéjiku munisipal, iha ona esperensia hodi hakerek, no agora dau-daun iha mudansa oituan, ita bo’ot sira hamutuk ho tékniku nasionál, hodi esplika tuir matadaln esbosu nasionál, maibe agora dadaun seidauk hetan aprovasaun husi Ministru Administrasaun Estatal no Ministru IG inklui pezidenete Autoridade”, Ofisial téknkiu ne’e subliña
Sekretariu Munisipiu Asuntus Sosiais no Organizasaun Agostinho Doutel Sarmento husu kargu xefia sira atu intende didiak matadalan ne’e nune’e elabora planu tuir esbosu no matadalan sira
“Husu ba diretor servisu munisipal, xefi departamentu sira tenki, intende didak kona-ba sosializasaun esbosu tuir matadalan ne’ebé mak DNADM fo, nune’e iha enkontru consellu konsultivu ita bo’ot sira bele relata ba prezidente autoridade, nune’e mos bele ajuda ita hodi prepara planu dezenvolvimentu tuir matadalan ne’ebé mak iha hodi nune’e, bele halo mudansa ba povu nia moris.’’ Dehan Sekretariu Asuntus Sosiais iha abertura ba sosializasaun ne’e, iha salaun Administrasaun Munisipio Ainaro
Enkuantu partisipasaun iha atividade ne’e, partisipa husi kargu dirijente sira no funsionariu sira
Jornalista :Sara Lewis
Editor : Lian Orluli
