Lian Orluli- Diresaun Nasionál Infraestrutura no Komunikasaun-Ministeriu Transporte no Komunikasaun (DNIK-MTK) realiza seminariu iha Munisipiu Ainaro.
Ba Mídia Lian Orluli News, Xefe Departamentu Diresaun Nasionál Infraestrutura no Komunikasaun (DNIK), Sr. Paulo Da Costa haktuir katak objetivu husi seminariu ne’e atu fahe papel ka servisu saida mak durante ne’e DNIK halao ona, liu-liu hare ba desenvolvimentu infraestrutura no rede komunikasaun ba agensia Governu nian.
“Objetivu ba aktividade ohin loron nian ami halo sosiálizasaun Kona -ba papel Diresaun Nasionál Infraestrutura no Komunikasaun husi Ministeriu Transporte no Komunikasaun ne’ebe maka foka liu ba dezenvolvimentu infraestrutura rede komunikasaun ba agensia Governu nian ne’ebé durante ne’e halo operasaun Telekomunikasaun iha Timor-Leste, mak hanesan Telkomcel,Telemor, TT nomos Agensia ANC (Autoridade Nacional Comunicação)-Sigla Portugues) atu esplika kona ba operador sira nia servisu, aktividade ohin loron nian fokus liu ba papel ami nia Diresaun atu desenvolve infraestrutura rede Governu iha teritoriu Timor laran tomak” Nia Komenta. Sesta (4/08/23)
Iha okaziaun hanesan Filomeno da Silva nudár partisipante ida husi Diresaun Teras no Propriedade hateten seminariu ne’e importante tebes sai hanesan baze ida oinsa mak iha futuru Governu hanoin atu implementa nia servisu liga ba E-Government ne’e, ita mos iha kuñesimentu oituan ona kona ba IKT (Informasaun Komunikasaun no Teknologia).
Filomeno da Silva husi Diresaun Teras no Propriedade
” Hau nia partisipasaun ba iha seminariu ida ne’e importante tebes tamba ohin loron iha Ita nia knar fatin hotu servisu ita presiza servisu ho Internet, ida ne’e sai hanesan baze ida para oinsa mak iha futuru karik iha Governu hanoin atu implementa nia servisu liga ba iha E-Government ne’e para Ita mos iha kuñesimentu ne’ebe mak iha ita nia servisu fatin, ita mos presiza hatene kona ba ICT atu oinsa ita bele komunika ho ita nia kolega servisu tamba teknologia agora ne’e modernu tebes ” Nia haktuir.
Ikus husi Seminariu ne’e maka DNIK-MTC husu ba partisipante sira hotu atu bele utiliza no kuidadu infraestrutura no rede telekomunikasaun nian ne’ebé estebelese ona.
“Mensagem ba ita nia partisipante no mos ba kolega sira ne’ebe mak partisipa iha ne’e no mos ba ajensia Governu sira ne’ebe maka la marka prezensa iha ne’e, hau atu hato’o deit katak infraestrutura ne’ebe maka Governu hari’i Liu hosi Diresaun Nasionál Komunikasaun husi Ministerio Transporte ne’e liga ba internet no Agensia Governu ba Diresaun hotu-hotu iha nivel Munisipiu, ita nia rede infraestrutura ne’e prepara hotu ona utiliza no kuidadu ba” Tenik Diretur DNIK-MTK
Entertantu aktividade seminariu ne’e halao iha Salaun Administrasaun Munisipiu Ainaro durante loron rua hahu iha dia 03-04 fulan Agusto tinan 2023, ne’ebé hetan partisipasaun masimu husi agensia Governu, parseiru dezemvolvimentu sira iha Munisipiu Ainaro.
Editor : Lian Orluli
