Lain-orluli- 21-06-2022- Xefe Departementu Diresaun Nasional Siguransa Protesaun Patremonia Públiku (DNSPPP), munisípiu Ainaro, Emilio Jorge Olo Rosario, informa DNSPPP Ainaro menus rekursu umanus nune’e labele kobre postu administrativu 4 iha Ainaro.
Ba jornalista liaun Orluli Xefe Departementu DNSPPP, Emilio Jorge Olo Rosario iha nia knaar fatin hateten DNSPPP Ainaro, tersa (21/06/2022), hodi preukupa tebes ho situasaun menus rekursu umanu hodi bele kobre iha liña ministeriais sira nomos ba postu administrativu 4 ne’e.
“Pesoal nebe’e maka agora dadaun iha ne’e fahe la to’o tamba ita iha deit pesoal 76 inklui postu sira, husi linñaa minsteriais sira husu apoiu maibe la to, tamba ne’e ami nia pesoal sira labele atu kopera hotu iha institisaun sira iha Munisipio Ainaro”. Hato’o xefe departementu ne’e
Nia mos hatutan tan pesoal sira iha postu Maubessi iha nain 8, postu Hato-buliko nain 8 no Postu Hato-Udu nain 4
“tamba ami nia ema menus tebes kada postu sira iha postu Maubisse pesoas nain 8, postu Hato-builiko pesos nain 8, no postu Hato-udo maka menus liu iha deit pesoal nain 4 postu Ainaro nain 50 inklui Funsionario nain 6, husi 50 ne’e sentralija iha linhas Ministeriais sira iha munisipio Ainaro”. Hatutan nia
Ho nune’e xefe departamentu ne’e rekomenda ba governu liu-liu Ministério Interior tau iha plau mos ba diresaun DNSPPP nian hodi bele aumenta ba Funsionário atu nune’e bele responde hotu.
Editor: Lian Orluli
