Lian Orluli -EBS Eskola Ensinu Báziku Venansio Ferraz no Lemos Pereira de Almeida Soro, Realiza Atividade Sertame, Desportu no isar Bandeira hodi komemora loron konsulta populár 30 de Agusto 2024
Diretor Atual Ensinu baziku Venansio Ferraz Silveira Maria de Araújo Hateten Kada eskola Insinu báziku sira realizasaun atividade sertame no jogu sira seluk, inklui Isar Bandeira hetan serkulasaun husi Ministeriu Edukasaun hodi komemora loron Konsulta Populár iha kada eskola
“Ami simu sirkular husi Ministru edukasaun hatene katak iha eskola ensinu báziku ida-idak halo atividade hodi komemora loron konsulta populár 30 de Agustu tinan 2024 ne’e, atividade ne’ebé mak ami prepara mak hanesan desportu no Sertame hahu husi klase 6 ano no 5 Ano, enkuantu iha sertame ne’e grupu sira ne’ebé mak ho valor boot sei simu prémiu husi ami profesor sira rasik, iha sertame ne’e sira kontra malu hodi hadau prémiu primeiru lugar no Segundu lugar, no terseiru lugar”, Esplika Diretora Eskola Venansio Ferraz Silveira Maria de Araújo
Tanba ne’e responsavel eskola refere agradese ba Ministra Edukasaun ne’ebé fo ona sirkular ba eskola ensinu báziku sira hodi kadi estudante sira nia kakutak iha eventu ne’ebé relevante ho historia independensia Timor-Leste nian
“ loron historiku sira ne’e importante tebes ba estudante sira hodi hatene tamba ne’e Agradese tebes ba Ministru Edukasaun hasai ona Sirkular ne’e hodi realiza atividade ne’ebé importante tebes ba estudante sira hodi hatene” dehan Diretora EBS Vension Ferraz Silveira
Diretur eskola EBS Lemos Pereira de Almeida hatutan aleinde realiza atividade desportu realiza mós Isar Bandeira hodi komemora loron Konsulta Populár ba dala 25 iha Munisípiu Ainaro tinan 2024 nian no hanesan matéria importante tebes ba estudante ensinu báziku sira
“Realiza Serimonia Isar Bandeira ne’e hodi komemora loron Konsulta Populár ba dala 25 tinan 2024 nian, Bandeira ne’ebé maka hasa’e maka RDTL no Bandeira Rezisténsia CNRT no FRETILIN, iha ambitu ne’e hodi refleta Timor Leste leste nia prosesu ba dalan ukun rasik aan nia, ohin loron ita hamrik hanesan nasaun RDTL, ida ne’e matéria ne’ebé importante tebes ba estudante iha ensinu bázika sira hodi hatene istória sira nebe nasaun ne’e iha rasik” dehan Diretur EBS Lemos Pereira de Almeida Adriano Pereira Dos Reis
Enkuantu estudante sira mai iha EBS Lemos Pereira hodi komemora loron Konsulta Populár iha ambitu Isar Bandeira, mai husi EBF Suru-Craik Suru-Lau, Fatmeta-Udo inklui Manutasi, realiza atividade durante loron tolu hodi komemora loron konsulta populár 30 de Agostu tinan 2024
Jornalista: Pedrolina Da Costa
Editor: Lian Orluli
