Ainaro Lian Orluli-8-08-2022-Eskola privada Sagrada Coração de Jesus (SACROJES) Aituturina Suku Mulo Postu Administrativu Hato-builico, Munisípiu Ainaro iha kondisaun grave no didin ho hadak.
Ko’ordenadora Eskola Sagrada Coração de Jesus, Ilda dos Reis informa eskola refere hari’i iha tinan 2004 inisiativa husi komunidade no apoiu husi Padre Françisco Barreto hodi hari sala 5 ba alunus sira kompostu ensino báziku hamutuk 266, ensino sekundário 68.
Ko’ordenador ne’e katak, Eskola Coraçao de Jesus Filiál ida husi Eskola São Paulo 3 Maubisse, eskola ida ne’e ezijte dezde 2004, ne’ebé produz ona estudante barak mak sai Dosente, Professor no barak mak hetan ona servisu.
“Maibe eskola ne’e nia kondisaun mak a’at tebes meja no kadeira mak ladun subsiente no kondisaun uma eskola moos a’at ba dadauk bainhira iha tempu udan no anin bo’ot ami tenki haruka estudante sira feriadu”,esplika Ko’ordenadora Eskola Sagrada Coração de Jesus, Ilda dos Reis, iha Semana ne’e.
Enkuantu eskola refere tolal sala 14, alunus segundu ano to iha ensino sekundáriu iha sala 2 ensino báziku sala 3, III siklu sala III no 1,2 siklu sala 6 mak eskola iha ne’e.
Eskola ne’e mós akumula estudante hamutuk 369, no estudante sira tama ho oras diferensia entre dader ho meudia, tanba hare’e ba kondisaun eskola sala la sufisente.
Eskola ne’e ho professor permanente nain 7 ho kontratadu nain 3 inklui voluntáriu nain 14, professor permanente no kontratadu Estadu mak selu, eskola ne’e ONG Plan Internasionál mak mai halo ona observasaun, inklui gabinete prezidente, maibe tinan barak ona seidauk iha iha mudansa ruma no apoiu husi Governu halo kontrusaun ba edifísiu eskola SACROJES.
“ Ami husi eskola SACROJES persiza de’it vos de kondisones, eskola ida ne persiza tebes Estadu, governu no parseiru sira seluk nia ajuda tamba ita hotu hatene katak komunidade nia oan sira ne’ebe Eskola iha fatin ida ne’e sira mos Timor-oan hotu, maibé realidade ami professor sira senti ami nia a’an eskola privadu sira sai fali vitima ba dezenvolvimentu”, dehan nia
Iha fatin hanesan professor Santiago Paicheco de Araújo hateten, ezisténsia eskola Sagrada Coração de Jesus Aituturina iha tinan 2004, hafoin akaba eskola Sagrada Coração de Jesus, kontinua ho pre sekundáriu no ba sekundáriu hodi ba Universidade.
Santiago Paicheco de Araújo dehan, hafoin akaba eskola universidade nia kontinua mai hanorin fali iha eskola Sagrada Coração de Jesus Aituturina, ne’ebé edefísiu eskola ne’e kontinua a’at seidauk hetan atensaun ruma husi Governu.
“Eskola ne’e hari iha tinan 2004 no kontinua fali iha sekundáriu ba kontinua fali iha universidade no agora mai hanorin fali iha ne’e mós eskola ne’e nafatin hela,’’ dehan Santiago Paicheco.
Jornalista Lian Orluli tenta atu halo konfirmasaun ho Diretór Eskola Sagrada Coração de Jesus, Padre Feliciano Barreto Rodrigues maibé, laiha fatin.
Eskola refere Ministério Educação koloka professores hamutuk nain 7 kontratadu nain 3 voluntáriu iha nain 14 inklui professores ensino sekundáriu iha nain 4 hodi hala’o kna’ar manorin iha eskola ne’e.
Editor: Lian orluli
