Ainaro Lian Orluli — Iha sesta (30/12/2022). akontese anin boot iha postu administrativu Ainaro munisípiu Ainaro estrga komunidade nia plantasaun no uma hetan estragus inklui edifisiu média lokal Online Lian Orluli iha munisípiu Ainaro.
Fundadora media online Lian Orluli Ainaro Clementina fatima da Costa Araújo sente treste ho akontesimentu anin sobu nia edifisiu tamba ne’e nia husu ba governu atu tau atensaun emerjensia, tamba sasán servisu labele salva.
“ Natureja ne’e ita espera atu sai hanesan ne’e, ohin akontese ona anin sobu ami nia edifisiu ne’ebè maka ami halo rehabilitasaun sedauk to tinan, agora hetan estragus total, no hau senti triste tebes bainhira hasoru situasaun ida hanesan ne’e, uma ne’e rehabilitasaun sedauk to tinan ida, triste tebes ba ami maka ekipamentus elektroniku sira hanesan komputador hetan estragus hotu,” dehan Clementina Fàtima da Costa de Araújo
Tuir observasaun jornalista Orluli nian iha terrenu nota katak husi akontesimentu anin boot ne’e fó impaktu ba eletrisidade tenki mate. No dadaun ne’e komunidade tenki iha uma laran tamba tauk ba anin boot ne’ebé akontese
To’o notisia ne’e publika Orluli news seidaum hetan konfirmasaun husi autoridade protesaun sivíl kona ba uma komunidade ne’ebé mak estragus, tamba akontese anin boot mais ou menus iha tuku rua loraik ne’e.
Jornalista: Juneya da costa
