Lian orluli- 8/06/2022- Eletrisidade Timor Leste Munisipiu Ainaro hahu husi fulan Janeiro too Maio 2022, hetan resitas husi klientes prepagu ho montantes osan $ 13.578, 27 sentavus ba kofre estadu..
Ba jornalista lian orluli, Xefe Unidade EP. EDTL munisípio, Ainaro Tomas Mendonca do Santos, iha nia kna’ar fatin hateten, resitas ne’ebe hetan husi pulsa eletrisidade ne’ebe fan husi kompania diretamente ba nasional.
Ida ne’ebe maka ami kolekta rasik maka waihira halo liga eletrisidade foun, nune’e mos estragus kontador maka ba monta, resitas ne’ebe ami hetan ne’e la’os husi pulsa eletrisidade nian maibe ne’e husi instalasaun eletrisidade foun ba uma kain sira no prepagu sira ne’ebe hetan estragus ba monta foun, no ba sira ne’ebe hetan multa ba eletrisidade,’’ Tomas esplika.
Nia hatutan tan “ ba reseitas husi tinan 2021 Koileta hamutuk ($31.171,07 cen) hahu husi fulan janeiru to dezembru nian no rekolha husi monta pregau foun no hetan multa husi sira ne’ebe maka ligasaun ilegal inklui mos husi hatun eletrisidade husi besi rin ba uma”. Nia hatutan
alnede ne’e kona-ba osan pulsa EP EDTL Munisipiu Ainaro nian la hatene, tanba ne’e direta entre emprezariu lokal sira ne’ebe fan pulsa eletrisidade.
Aleinde ne’e Xefe unidade EP. EDTL Ainaro Tomas Mendonca do Santos mos informa katak presiza tan kontador 5000 hodi bele re-instala fila fali prepagu kontador ba komunidade sira ne’ebe durante ne’e la uza kontador, maibe pedidu hatoo ona ba nasional hodi bele re-instala fila-fali ba komunidae sira ne’ebe maka durante ne’e uza hela eletrisidade, maibe la uza kontador.
“ Hahu halo instala foun prepagu foun ba komunidade sira ne’ebe uja hela eletrisidade maibe la uza prepagu, hahu iha fulan novembru 2021 too 2022 fulan Maio ne’e, no total kontador prepagu hamutuk 3.985 (rihun tolu atus sia walu nulu resin lima), ne’e inklui ona husi postu 4 ne’e, maibe balu seidauk monta hotu,’’ dehan nia.
Nia hatutan kada uma kain ne’ebe hetan eletrisidade tenke iha prepagu kontador hotu atu nune’e labele halo deskriminasaun ba komunidade sira seluk, EDTL munisipiu Ainaru sei halo kontinuasaun ba uma kain hirak ne’ebe hetan ona eletrisidade, maibe seidauk iha prepagu, no tuir sira observasaun katak husi suku rua no uma kain balu de’it maka seidauk monta prepagu no agora da-daun hala’o hela servisu.
Editor : Lain Orluli
