Ainaro Lian orluli— Eletrisidade Timor-Leste Empreza Públika (EDTL.Ep) munisípiu Ainaro husu kompaiña Terolau atu responsabiliza ba ri’in eletrisidade rua ne’ebe tohar iha Nunu-mogue Postu Hato-builico ninian.
Ba Lian Orluli xefe unidade EDTL.Ep municipal Ainaro Júlio de sá hateten anin boot ne’ebé akontese iha fim de dezembro tinan 2022 to’o fulan janeiro semana kotuk estraga ri’in eletrisidade rua iha área suku Nuno-mogue Postu Administrativu tohar fiu tabele iha estrada hodi fó ameasa ba movimentasaun komunidade ne’ebé liu husi estrada ne’e, maibé agora daudaun ne’e komunidade sira lori au mak hodi satan hela fiu ne’ebe mak monu husi anin boot ne’ebe liuba.
Tamba ne’e xefe unidade EDTL empreza públika Ainaro justifika bá publiku katak fiu ne’ebé monu la’ós responsabilidade EDTL.Ep, tamba sei responsabilidade retensaun 10% husi kompaiña Terolau, ho nune’e nia parte husu ba kompaiña Terolau Unipessoal limitada troka besi riin foun, parte EDTL empreza públika sei apoiu nia tekniku halo manutensaun, nune’e komunidade aldeia Tukaro bele asesu fali enerjia eletrisidade no komunidade Suku Nunumoge inklui aldeia Leotelo suku Mausuga.
“Suku ida ne’e mak ami sedauk bele fo energia ba tamba sei iha hela responsabilidade kompannia nian, retensaun dez porsentu ne’e sei iha responsabilidade kompannia nian, ami kontaktu ona ba iha kompannia rua refere ne’ebe responsabiliza ba obra hirak ne’e hanesan kompannia Terolau,kompannia Simauhei mais atè a data seidauk iha ida mak mai marka prezensa iha ne’e hodi bele husu ami nia preokupasaun”. xefe unidade EDTL empreza júlio de sà hateten
José Barros Monteiro núdar rejidente Nunumoge sente tauk tamba haree riin eletridade ne’e, tamba rejidente ne’e husu kompainha atu koopera ho EDTL.Ep empreza públika Ainaro halo manutensaun lalais nune’e labele fo ameasa ba komunidade
“Ami ho ta’uk tebes tamba besi ri’in eletrisidade tohar ami tonka deit lori ai hodi nune’e labele fo ameasa ba ami, iha ne’e uza ona pulsa ahi pulsa ne’e bainbain ami sosa ba governu, husu ba EDTL Ainaro atu hakat mai iha suku Manu-tasi, suku Nuno-Mogue, no mos Postu Hatu-builiko se karik mak iha konmpannia nia responsabilidade ilegal ruma karik sei hein kompannia maibe ami konsidera ahi ne’e legal ona tamba uza ona pulsa ahi”. rejidente José barros monteiro hateten
To’o notisia ne’e publika direjente kompannia terolau unipesoal limitada seidauk fó deklarsaun ofisial ruma bá Lian Orluli relasiona ri’in eletrisidade ne’ebé tohar, tamba direjente nia rejidènsia iha Dili.
Entertantu Postu Hato-builico iha Ainaro Villa, mos agora daudaun,fiu balun sei monu tabele no seidauk hadia, parte EDTL antes ne’e mos sira relata ona presiza fulan ida hodi halo manutensaun.
Jornalista : Norvia
Editor : Lian Orluli
