Lian Orluli — Konsellu Nasionál Juventude Timor-Leste (Conselho Nacional Juventude Timor-Leste/CNJTL), liu husi Konsellu Juventude munisipiu Ainaro, hala’o Semináriu ba Juventude no Estudante sira ho tema: “Edukasaun Sidadania Mak Dalan Ida Hodi Ema Ba Kompriende Kona-ba Direitu No Deveres Sidadaun Nian”.
Atividade ida-ne’e ho objetivu atu fó espasu edukativu ida ba foin-sa’e sira hodi aprofunda sira-nia komprensaun kona-ba edukasaun sívika no, iha tempu hanesan, dezenvolve sira-nia mentalidade hodi komprende sira-nia papél nu’udar sidadaun ne’ebé ativu no responsável.
Iha semináriu, líder masimu Maria Dadi Soares Magno subliña katak sidadania la’ós de’it matéria eskola nian, maibé hanesan fundasaun inportante ida atu harii sosiedade ida ne’ebé iha konxiénsia legál, étika, no partisipa iha vida demokrátiku.
“Joven sira ne’ebe partispa atu nafatin esforsu atu naftain luta ba dejemvolvimentu” dehan Lider masimu CNJTL Maria Dadi
Koordenador Konsellu Juventude Ainaro Aureliano Belo Magno subliña katak atividade sira hanesan ne’e nu’udar instrumentu estratéjiku ida atu dezenvolve jerasaun foin-sa’e krítiku ne’ebé iha kapasidade atu analiza kestaun sosiál sira no komprende sira-nia direitu no obrigasaun iha vida nasionál.
“Partisipante sira atu konsentra ba tópiku ne’ebé maka sei hato’o huis oradóres sira iha sesaun seminario ida ne’e” hatutan Koordenador CNJTL Ainaro Aureliano
Estudante Sekundariu Katolika Sandra Araujo Gama dehan, importansia tebes material iha semináriu ne’ebé ho nia tema Edukasaun Sidadania Mak Dalan Ida Hodi Ema Ba Kompriende Kona-ba Direitu No Deveres Sidadaun Nian, oinsa estudante sira atu tau inportansia iha nia diversidade no labele hakilar deit direitu
“ Inportante tebes seminariu ne’e, atu nune’e labele halikal deit direitu maibe’e tenki hatene mos ita nia dever” Sandra nia apresia
Semináriu ne’e realiza hetan apoiu husi Gabinete Sosiadade Sivil, hetan partisipasaun PAM, PNTL Squadra postu Ainaro, Veteranos Munisipiu Ainaro, Materesntu 12 Novembru Ainaro, Prezidente sub CRAM Ainaro,Adjunta GASC, ONG Lokais, Joventude AMAR, estudante no Joventude. Partisipante sira, inklui estudante sira, foin-sa’e sira iha komunidade, no reprezentante sira hosi organizasaun lokál sira, partisipa ho entuziazmu iha diskusaun no sesaun pergunta no resposta.
Entertantu Orador iha seminariu ne’e Vasco Gomes, kolaia kona-ba Direitu no Diversidade, Elia Da Costa Koalia kona-ba Esado no Konstituisaun, Juliu da Nacimento, Koalia Kona-ba Geopolitika Interna no Externa
Ekipa Redasaun
