Lian Orluli —Iha kuarta-feira ne’e mais ou menus tuku ualu liu minutu tolu nulu Profesores no Estudante sira husi Eskola Sekundáriu Jerál Fernando Lasama dé Araújo Ainaro, hakfodak tamba estatua Nain-Feto ne’ebé sai mahein ba iha Eskola lakon iha Gruta resintu Eskola.
“Ohin dader mais ou menos horas tuku 08:30 ne’e hau hare Professor sira mai atraaja, hau haruka sira hamoos gruta hasai hena mean ne’ebe falun nai feton, hare nossa señora Iha laran laiha ona, entaun hau haruka Professor no Estudante buka no chek iha sala laran no liur sira laiha, nune’e hodi fo hatene ba Polisia mai survey hodi buka tuir statua ne’e se mak foti,” Ba Lian Orluli Adjuntu Diretúr Eskola Sekundariu Jerál Fernando La Sama Dé Araújo Felismeno De Jesus haktuir, Kuarta (3/04/2024)
Iha fatin hanesan Komandante operasional PNTL Munisípiu Ainaro Inspetúr Xefe Manuel Alves hatete, parte PNTL halo ona identifikasaun ba fatin ne’ebé lakon hodi husu ba komunidade ne’ebé hetan atu informa nune’e polísia ba foti
“ Tamba hanesan polisia nafatin tau iha konsiderasaun ba situasaun ida ne’e tuir imformasaun husi profesor sira husi eskola mos la indika ba ema ruma tamba ne’e husi parte eskola ne’e nian sei hato’o keisa ba parte PNTL hodi submete ba iha prosessu investigasaun, PNTL sei koloka nia forsa sira ba buka informasaun statua nia paradeiru iha ne’ebe, tamba ita seidauk hatene autor ba akontesimentu ne’e” Dehan Inspetur Xefe Manuel
Enkuanto Estatua ne’e tau iha resintu eskola iha tinan 2013, inisiativa husi profesores no estudante sira hetan bensaun husi Padre Armindo Brito.
ESTJ: Renhy/ Hanya
Editor : Lian Orluli
