Lian Orluli, Dili 08/11/2024, Konsellu Imprensa, (CI Sigla Portugués) sesta ne’e kria enkontru ho nain ba média sira hodi halo diskusaun hamutuk, kada orgaun komunikasaun sosial reprezenta nain ida nu’udar reprezentante ba Konsellu Imprensa hodi halo preparasaun ba eleisaun periodu tinan ha’at mai
“Agora ba to’o eleisaun ne’e saida mak ita atu halo, entermus de media nain sira, depois ita iha kongresu ida ne’ebé dignu, entaun ita hanoin hamutuk, ohin ba to’o dia 11 dezembru atu halo eleisaun ba media nain sira nia reprezentante, tanba tempu ka mandatu ida agora nian ne’e se’i lori to’o iha 10 fevereiru 2025, entaun nia hahu iha dia 10 fevereiru 2020, se ita halo depois de mandatu hotu ita konfusaun tanba baralla funsionamentu servisu, entaun ita halo antes kuandu tempu ne’e hotu, iha kedas kontinuidade nune’e servisu bele la’o”, Diretor Ezekutivu Antonio Dias esplika ba média nain sira iha enkontru ne’e.
Prezidente Konsellu Imprensa Otelio hatete, nia parte ho ekipa sei hasoru malu ho Prezidente Parlamentu Nasionál hodi aprezente preparasaun sira molok hakat ba eleisaun prezidente ka membru foun Konsellu Imprensa ba Periodu 2025
“Membru konsellu imprensa sira iha parlamentu nasional kontinua la’o iha plenaria, entaun parlamentu hein ona ita, entaun ami mós horseik iha plenári ami ko’alia ona ho sira katak tempu badak se’i buka hasoru prezidente Parlamentu nasionál atu alerta ba sira kona-ba ita-nia preparasaun”, dehan atual Prezidente Konsellu Imprensa, Otelio Ote iha surumutu preparasaunKonsellu imprensa iha Kintal boot Díli Sesta ne’e.
Iha enkontru ne’e, parte diresaun jurídiku aprezenta mós estatutu konsellu imprensa no regulamentu ba eleisaun membru konsellu imprensa nian ba partisipante media nain sira
Atual Prezidente konselu Imprensa no membru ativu sei remata mandatu iha loron 10 fevereiru 2025, tanba ne’e prosesu sira lao antes molok remata mandatu tuan
Tuir planu konsellu Imprensa sei realiza konferénsia balu ba jornalista no media nain sira iha fulan dezembru tinan ne’e, nune’e média nain sira aprezenta reprezentante kada média, nain ida ba Konsellu Imprensa.
Média nain sira ne’ebe partisipa iha enkontru ne’e hamutuk 21 maibe balun la partisipa, tuir Lista rejistu iha konsellu imprensa orgaun komunikasaun sosial hamutuk 31
Jornalista :Alves Carvalho
Editor : Lian Orluli
