Lian Orluli—Terça-feira horseik, dia 01 de Augusto 2023, Prezidente Tribunál Rekursu (PTR) Dr. Deolindo Dos Santos halo enkontru regular ho Prezidente da Republika (PR), José Ramos-Horta iha Palasiu Prezidensiál.
Hafoin remeta reuniaun ho Xefe Estadu, Prezidente Tribunál Rekursu Dr. Deolindo Dos Santos hato’o ba Jornslista katak enkontru ne’e nudar enkontru regular ne’ebé sempre akontese entre Orgaun Soberanu sira iha Timor-Leste, liu liu atu atuáliza servisu Tribuanál nian ba Prezidente Republika.
“Enkontru ohin ne’e Prezidente Repúblika husu atu reuniaun regulár ho Xefe Estadu, ne’ebé ami estabelese ona konkordansia ida katak reuniaun ne’e sei halo kada loron 15 ho Xefe Estadu, bainhira iha nesésidade balun karik bele konvoka reuniaun extraordináriu ruma bainhira presiza, ha’u mai atualiza mos ba Xefe Estadu, servisu Tribunál nian ne’ebé la’o hela, maiz pou menus iha halo saida ona, problema iha ne’ebé, solusaun ba problema sira ne’e halo nusa, saida mak presija halo tan ba oin”. Dehan Prezidente Tribual ne’e.
Prezidente Tribunál Rekursu ne’e ekresenta liu tan katak katak iha buat barak ne’ebé ligadu ho servisu Tribunál nian mak aprezenta ona ba Prezidente Republika mak hanesan: implementa lei organizasaun judisiáriu ne’ebé parlamentu nasionál aprova ona ne’e, ne’ebé kria Tribunál primeira instánsia ne’e, kona ba Espasu ba Tribunál Supremu nian ne’ebé sei iha prosesu nia laran inklui ferias ba orgaun Judisiariu sira iha Timor-Leste nian.
Hataan ba Jornálista sira kona ba kazu Set-Box RTTL. EP ne’ebé to’o agora seidauk iha desizaun, Tribual Rekursu ne’e realsa kazu ne’e iha hela prosesu investigasaun no hanesan segredu Justiça no nia parte labele arogante no fó komentariu ba Publiku.
“Set Box RTTL-EP, kazu sira ne’ebé iha hela prosesu investigasaun ne’e hanesan segredu justisa Tanba ne’e ha’u labele hatete lai buat ruma, tamba ne’e kona-ba kazu Set Box entidade ne’ebé kompetente mak bele responde, konstituisionál no lei estabelese klaramente halo nusa mak kada orgaun ka entidade estadu ida-diak halo nia servisu, tanba labele ita nia arogansia ka egosita pessoál ita halo servisu sira ne’ebé ema seluk nian, atu hanoin estadu ba oin ne’e tenke hanoin ida-diak halo nia servisu ho responsablidade, ida ne’e ita boot nia servisu ita bo’ot tebes halo, ida ne’e ha’u nian ha’u halo, ita bo’ot labele mai tama tan ha’u nian, no ha’u mós labele tama ita boot nian, só ho ida ne’e de’it ita bele lori Estadu ne’e ba oin”.
Entertantu kazu Projetu Instalasaun Set-Box RTTL. Ep ne’ebé deskonfia involve Ministro MAPCOMS iha VIII Governu Konstitisionál no ho hahalok ida ne’e mos deskonfia ne’ebé lori prejuízu bá Estadu ho montante orsamentu $7,680.00.
Editor : Lian Orluli
