Ainaro Lian Orluli — Estudante sekundáriu Jerál Fernando de Araújo tenki hamrik oras 07 hahau husi tuku hitu to’o 12:45 hodi partisipa aprendisazen tamba falta kadeira no meja
Ba Lian Orluli segunda (30-01-2023), Diretúr Eskola Sekundária Jerál Fernando de Araújo La-sama, Armando Ferreira informa Eskola Sekunadaário Jerál Fernando de Araújo La-sama, harii iha tinan 2002 no dadaun ne’e kompleta ona tinan 19, no estudante atual ho totál alunus iha eskola refere rihun ida atus haat sia nulu resin hitu (1,497) ne’ebé eskola Sekundária Jerál ne’e sala 24, maibé eskola falta kadeira no meja, aluns barak mak tenki hamrik hodi tuir aprendisazen.
Tanba ne’e Diretúr Eskola ne’e husu Governu atu aumenta kadeira no meza inklui menus profesores
“ Eskola Sekundária Geral Fernado La-sama de Araújo harí iha tinan 2002 no dadaun ne’e kompleta ona tinan 19, kada tinan-tinan eskola ne’e simu estudante ne’ebé maka mai rejistu Kuaje rihun rua resin, iha tinan ida ne’e ita simu deit alunus hamotuk rihun ida resin, iha tina ida ne’e ita hamenus simu estudante tanba labele sala de aula la sufesiente, inklui mos menus profesores,” Diretúr eskola Fernando La-sama de Araújo, Armando Ferreira, hateten
Tanba ne’e studante sira husu ba ministériu edukasaun atu aumenta kadeira no meza ba eskola nune’e bele partisipa aula ho diak.
“Eskola meneus tebes kadeira no meza, ami alunu barak los, bainhira tama materia ami lebele konsentrasaun diak hodi simu materia tanba ami hamrik deit durante oras 8:00 to 12:45,” Estudante Novia do Santos Freitas Araújo,hateten
Alende ne’e Estudante Zelia Bianco mos hatutan,” senti triste tebes bainhira simu materia husi Profesores sira tenki ho kondisaun hamrik deit, tanba ne’e nia rekomenda ba Governu liu husi Ministerio Da Edukasaun atu bale apoiu kadei no meza, ba iha eskola Sekundária Fernado La-sama de Araújo Ainaro,” Estudante Zenia Bianco hatutan
Alende falta kadera meza, janela odamatan mós aat deskonfia hetan estragus husi ema deskonesidu tamba eskola ne’e laiha seguransa
Bainhira Lian Orluli tenta atu konfirma ho Superintendente Edukasaun munisípiu Ainaro Carlos da Silva, maibé okupadu servisu
Editór: Lian Orlui
