Ainaro Lian Orluli— Komandante operasaun PNTL munisípiu Ainaro, inspetúr Tomas Yosep Sexta-feira (25/11/22), informa treinamentu ne’e hala’o durante loron lima, hahú iha segunda no termina iha sesta-feira semana ne’e, ne’ebé fó treina husi instrutór PNTL Munisípiu Ainaro.
“Treinamentu ba preparasaun issar bandeira estudante husi eskola sekindária Publiku Fernado lasama no eskola sekundária Katólika santa Maria Ainaro, hamotuk nain 65, maka partisipa treinamnetu ba issar bandeira iha loron proklamasaun ba 47 nian,” dehan inspetór Tomas Yosep,baihira fo treinamentu ba etudante sira iha kampo Futeball Ainaro
Alén de estudante sira partisipa issar bandeira, membru Autoridade Protesaun Sivíl Munisípiu Ainaro, hamutuk 50 mós partisipa treinamentu hodi partisipa iha formatura jerál, iha seremonia 28 novembru, ne’ebé sei hala’o iha segunda semana oin.
Komandante Operasional Autoridade Protesaun Sivíl Munisípiu Ainaro, Inspetúr Afonso da Silva husu ba membru sira atu partisipa treinamentu ho konsentrasaun, nune’e bele partisipa iha loron nasionál istóriku ne’e.
“ Presija prepara ho diak atu nune’e tama iha formatura tenki rápida no konsentrasaun nune’e bele partisipa iha loron nasional istóriku ne’e,” dehan Inspetúr Afonso da Silva.
Visé komisaun organizadora 28 novembru munisípiu Ainaro, Nelson Francisco do Rogério Relata, orsamentu ne’ebé governu aloka hodi sosa hahan ba ekipa issar bandeira ne’e hamutuk dolar amerikanu rihun ida, atus lima ($1500).
“ Iha munisípio Ainaro kada tinan prevé orsamnetu ba loron proklamasun 28 novembru no 20 de maio, dolar $150, hodi prepara sosa hahan ba ekipa issar bandeira inklui prepasaun ba loron proklamasaun ne’e,” kapatak Nelson Francisco do Rogério.
Enkuantu seremonia issar bandeira ba 28 novembru tinan ne’e, sei hala’o iha kampu futebool munisípiu Ainaro.
Editor : Orluli news
