Lian Orluli— Sarjentu xefe Polisía Martino Amaral hateten, Estudante 70 komposto husi feto 32, mane 33, inklui estudante 5 hanesan korpo isar bandeira husi Eskola Sekundário Geral Fernando la sama de Araújo hala’o preparasaun ba loron Veteranus ba dala 43 iha Munisípiu Ainaro
Treinamentu isár bandeira ne’e hanorin husi instrutur PNTL Munisípiu Ainaro ho intensaun hodi prepara ba selebrasaun loron Veteranus 3 Marsu tinan 2024 ba dala 43 ne’ebé sei selebra iha kampu futebool Ainaro villa.
‘’ Komandu Munisípiu Ainaro seksaun operasaun subtensaun polisa komunitaria objetivo husi treinamento ida ne’e ba estudante ida ne’e, ba Veteranus nian ba dala 43 iha teritorio Timor Leste especial Munisipiu Ainaro no husi estudante sira ne’e mai husi eskola sekundário jeral fernando lasama de Araújo Ainaro,” esplika instrutur sarjentu xefe polisia Martino Amaral.
Nia hatutan tan,treinamento hahú iha loron 19 fulan Fevreiru sei finaliza iha loron 3 Marsu serimónia Isár bandeira loron Veteranus nian
“Treinamento ne’e hahu husi loron dia 19 fulan Fevereiru nee , no sei finaliza iha loron 3 Marsu ba serimonia Insaria Bandeira iha loron Veteranus nian, hanesan treinamento hamutuk ho siguransa ou polisia uza karakter dehan katak senimilitar maibe ita uza tuir konesementu komunitario nia lalaok , no treinu’’,dehan Martino Amaral.
Iha oportunidade ne’e instrutur ne’e apela ba estudante sira atu partisipa kualker aktividade saida deit hanesan aktividade Governu nian ou aktividade husi parte ne’ebé deit presiza sira atu partisipa tamba sira mak sai futuru ba rai ida ne’e no futuru nasaun ida ne’e nian.
STJ;Ireni Tael
Editor: Lian Orluli
