Lian Orluli—Estudante balun tur deit iha rai hodi partisipa ezame pasajem klasse iha Sekundària Jeral Fernando Lasama.
Tuir kalendàriu Nasionàl husi Ministériu Edukasaun fó sai ona katak, iha segunda feira ohin hala’o izame pasazen iha teritòriu Timor-laran tomak inklui Munisipiu Ainaro ba Eskola ensinu setimu ano to’o oitavu ano inklui desimu ano no desimu primeriu anu.
Hanesan iha Eskola sekundàriu Jerál Fernando Lasama dé Araújo, izame ne’ebé la’o di’aik maibé estudante balun tuur de’it iha rai hodi tuir ezame no balun tuur iha kadeira, maibé la iha meja
Kondisaun ne’e halo Estudante Manuela de Araújo no Natercia de Orleans la menta no husu ba Ministériu Edukasaun atu apoiu meja no kadeira nune’e estudante sira bele tuur hodi tuir izame pasazen klase,tamba estudante mak futuru nasaun Timor-leste
“Hau sente orguillu no kontente tebes tanba ohin loron tuir ona ezame pasajen da klase no ami ladun satisfas tanba kadera ho meza menus mai ami, tanba ne’e hau rekomenda ba governu tau matan mai ami nia eskola iha ESGFLA,” Natercia ho Manuela rekomenda
Hatan ba kestaun ne’e Adzuntu Diretòr ESGFLA Filizmino de Jesus dehan situasaun ne’e akontese tanba sala la sufesiente hodi akomunla estudante, tanba ne’e eskola deside halo ezame dala rua iha oras la hanesan
“Exame Pasajen da klasse ba Estudante desimu ano no desimu primeiru ano, tama dala rua, tanba hare ba sala la suficiente no situasaun ho kondisaun ne’ebé ril maka eskola hasoru, maske estadu ajuda ona halo sala rua ba estudante sira, maibe estudante sira nafatin tama la to’o entaun desimu ano hahu exame iha Oras 8:00 termina 11:00 no kuntinua kedas desimu primeiru anu tama fali, ne’e mak eskola foti dezisaun,”. haktuir Diretor ne’e
Enkuantu iha ESSGFLA total estudante hamutuk 890 komopstu feto no mane mak tuir ezame pasajen
Stj: Hania
Editor : Lian Orluli
