Ainaro Lianorluli-10-08-2022- Ministeriu Edukasaun liu husi Diresaun Nasional Dezenvolvimentu Eskola laiha kompeténsia atu reabilita eskola privadu iha rai-laran.
‘’Eskola privado husi parte Governu sei la halo konstrusaun, maibe kopreasaun de’it husi eduksaun koloka asistensia ba iha edukasaun nian hanesan manorin nain sira no apoiu livro inklui ekipamentus sira seluk,’’ katak Directór Nasional Dezenvolvimentu Parque Escolar MEJD, Agostinho Soares, ba Lian Orluli kuarta semana ne’e.
Iha sorin seluk, jornalista tenta mos husu relasiona ho protesaun ba labarik sira ne’ebe hala’o aprendezajen iha fatin refere ne’ebe kondisaun eskola la seguru no fo ameasa ba estudante sira nia vida maibe hetan resposta nafatin husi diretor ne’e katak eskola ne’e responsabilidade fundasaun nian.
Iha fatin hanesan estudante eskola Sagrádo Korasaun de Jesus (SACROJES) grave tebes Ministério Edukasaun Sei la reabilita Marta da Conseiçao Xavier senti triste no trauma bainhira hala’o aprendezajen iha sala laran.
“ Bainhira iha tempu udan no anin ami mai eskola senti tauk lo’os tamba uma nia didin lolon kondisaun dodok hotu ona, no kuando iha tempu udan be’e tama sala laran halo tahu makas tamba ne’e maka ami tauk la mai eskola”. haktuir Marta Xavier.
Nia hatuatan tan gosta Eskola iha SACROJES tamba profesore sira hanorin diak ho maneira ne’ebe halo sira bele kompriende lais, maibe senti triste oituan ho kondisaun eskola ne’e grave tebes.
Editor: Lian Orluli
