LIAN ORLULI (27/09/2023) — Ezekusaun Orsamentu Jerál Estadu (OGE sigla portugés) tinan fiskál 2023 hosi administrasaun Munisípiu Ainaro ho montante U$7,579,186.50 ho taxa persentajen foin atinje 50.1%.
Munisípiu Ainaro komposta hosi postu administrativu haat mak hanesan Ainaro, Maubisse, Hatobuilico no Hato-Udo ho suku 21.
Tuir dadus ne’ebé LIAN ORLULI asesu hosi portál transparénsia Ministériu Finansa (MF), iha 27 setembru ne’e fó-sai katak, totál despeza ba Munisípiu Ainaro ho montante U$7,579,186.50, ne’ebé ho kompromisiu U$530,789.38, obrigasaun U$173,150.97, atuál U$3,663,566. 09, saldo hela U$3,715, 596. 92, ho persentajen ezekusaun foin atinje 5o.1%.
Hosi montante orsamentu ne’e, administrasaun Munisipiu Ainaro prevee ba programa estrada no ponte ho montante U$1,857,614.00 (6.3%), dezenvolvimentu rurál no urbana ho montante U$ 298, 103.00 (15.1%), seguransa nasionál ho montante U$76,990.00 (78, 4%).
Hosi programa funsionamentu no deznvolvimentu institusionál ho montante U$1,993,359. 50 (65.5%), agrikultura ho montante U$131,399.00 (78.5%), água no saneamentu ho montante U$63,174.00 (93.8%).
Nune’e mos eletrisidade ho montante U$377,864.00 (23.3%), setór saúde ho montante U$1, 255,083.00 (61.1%), edukasaun no formasaun ho montante U$1, 443, 598.00 (84.1%), inkluzaun sosiál ho montante U$58,712.00 (45.1%) no turizmu ho montante U$ 23, 290.00 (48.8%).
Editor: Lian Orluli
