Lian Orluli—Faluk Angelica da costa, Hela iha Ailora, Suku Foho-Ai-Licu, Postu Administrativu Hato-Udo, lakohi hela iha nia uma ne’ebe konstrui husi Programa UNP nebe konsidera, laiha Fasilidade uma laran nian inklui laiha kualidade Tanba kalen ho kormean no balun ferujen ona.
Ba Lian Orluli, inan faluk ne’e hateten, Tuir nia parte sente hanesan Autoridade Sira halo diskriminasaun makas ba faluk sira, tamba durante ne nia hare ema seluk ne’ebe hetan uma UNP ho fasilidade kompletu, maibe uma tolu maka laiha fasilidade no Uma laran mamuk laiha buat ida, tanba ne’e nia parte senti triste tebes.
“Uma ne’e konstrui iha tempu 8° governo nian to agora seidauk atinji too 100%, tamba ne’e Hau sedauk bele ba Hela iha Uma ne’e, Maiske Sira Mai intrega ona iha Tinan 2021, tamba antes atu konstrui, Sira mai halo Sodializasaun Uluk ba ami katak uma Ida konstrui ho Osan US $17,000, bainhira intrega sei kompletu ho fasilidade sira hanesan kama sasan dapur nian, Tamba ne’e Hau sedauk bele simu Uma ne’e, Tamba Uma laran mamuk Hela no laiha fasilidade,no kalen ho kores mean nakfilak ona ba mutin, no atu frujen tan ona, Tanba ne’e Hau konsidera Uma UNP ne’e laiha kualidade.” Dehan inan faluk Angelica, Kinta (14/09/2023).
Iha okaziaun hanesan Jornalista Lian Orluli intervista liu husi via telefone ho xefe suku Foho Ai-licu, Deonatu laet rekonhese uma UNP Faluk Angelica da Costa nia, laiha duni fasilidade uma laran inklui ho fasilidade dapur ne’e failansu husi ekipa Jestaun suku no PNDS nian.
“ Ida ne’e laos responsabilija Autoridade suku nian, ne’e PNDS no ekipa jestaun suku maka jere orsamnetu ne’e, maibe ne’e depende jestaun ida momentu ne’e, parese failha iha buat balu maka, orsamentu jere la to’o tia, tanba fasilidade balu hanesan asesoris no ekipamentus balu lakon, no balun nia presu maka aas liu tia, ho ne’e maka jere osan hodi konstrui uma ne’e la to tia” Esplika xefe suku Deonatu laet
Hatan ba preokupasaun ne’e Ingeneru PNDS João Pulo De Araújo hateten, Problema tanba konstrui UNP iha tinan 2021 hasoru ho Pandemia Covid-19, no sasan nia folin aas liu tia la tuir presu normal, ho nune’e maka osan US $17,000 ne’e atende hotu ba iha matreal konstruksaun nian, inklui aluga kareta tula matreal sira mai iha fatin.
“Uma ne’e implementa ba iha tinan 2021 Saida Mak akontese iha 2021 Mak hasoru Covid-19, iha fatin-fatin Loockdown, problema sasan folin sae hotu. fofoun seidauk harí uma ne’e sasan folin normal hela, tama ona iha planu harí uma UNP ba kbit kalek sira, mundu tomak hasoru Pandemia covid-19, afeita mos ba sasan hotu folin sa’e makas, osan ba konstrui uma ne’e nafatin US $ 17,000. Ejensia tenki hotu lalais tanba ne’e, maiske iha tempu loockdown ita nafatin servisu kuntinua obra ne’e to remata, atu dehan deit katak iha parte balun la kuntinua obra tanba hasoru pandemi. Ita kuntinua deit serviu ho osan nebe’e maka aprova ona US $17.000 konstrui uma ne’e to remata, tanba ne’e maka, osan sira ne’e uja hotu ba konstuksaun uma nian, atu kompleta ba fasilidade uma laran nian hanesan Kama, Armariu,inklui sasan dapur nian la to’o”. Esplika Ingeneru PNDS Ainaro João Paulo, ba Jornalista Lian Orluli iha nia kanar fatin.segunda (18/09/2023)
Alende ne’e nia mos hatutan tan uma pakote ida ne’ebe konstrui iha tinan 2021 hetan problema hanesan, laos iha uma ida deit maibe’e iha uma tolu maka hanesan, iha Postu Administrativu Hato-udo.
“Sira ida aselera iha tempu kovid ne’e barak Mak monu laos Ainaro dei,t priodo destaka uma tolu ne’ebe mak hau mensiona iha leten, tanba hasoru hela pandemi, katak programa UMP ne’e, tidak di Wajipkan (sigla indonesia) hodi kuntinua obra ne’e. Ita kuntinua halo obra ne’e to’o remata maske iha tempu kovid nia laran no iha fatin- fatin loockdown. Atu dehan deit iha isntituisaun nia laran Osan $ 17,000 ne’e atu halo Uma ida, se’e Ita hetan projekto ne’ebe diak no folin ne’ebe diak badaen sosa sasan folin kiik iha merkadu Maka bele ense sasan ne’eba, problema ita hasoru iha momentu ne’ebá maka ne’e hasoru pandemi sasan folin iha merkadu sae makas, uma ne’e ita kuntinu konstrui to remata.” hatutan Ingeneru ne’e
Enkuantu Uma UNP tolu ne’ebé laiha fasilidade uma laran maka faluk Angelica da Costa, Ermenegildo da Costa Abel, Joséfa.
Jornalista : Nina/Jita/Marsia/Lina/ Acasio
Editor : Lian orluli
