Ainaro Lian Orluli – Inan faluk Natercia da silva ho Idade 50, husi suku Mau-ulo Posto Administrativu Ainaro, Fa’an hakna’ok batar, no produtu seluk hanesan foremungu, koto nst. hodi hatutan moris loron sorin.
Natercia moris faluk ho oan nain rua durante tinan 20 resin ona, inan ne’e faluk, tamba nia kaben lakon vida iha tempu Indonesia hetan dezastre kareta kamioneta bakufila iha dalan ba Dili. Durante ne’e Natercia moris faluk deit hodi sustenta ona nain rua nia eskola to remata iha sekundário no ida forma ona família, durante ne’e sustenta moris husi fila liman ho produto lokál iha merkado.
Inan faluk Natercia da Silva haktuir sasan ne’ebé maka nia fan produtu lokal, maka hanesan batar, fore-mungu, no koto inklui mos produtu sira seluk, no sasan ne’ebe mak nia fa’an ho folin la hanesan tamba batar karon ida ho folin dolar sanolu resin lima, nia hakna’uk hodi fan fali kada basia ida ho folin lima nolu centavus inklui foremogu dolar ida no koto, nune’e bele suntenta moris loron sorin inklui fo oan ba eskola iha universidade.
” Batar ema fan mai hau karon ida folin dolar sanolu resin lima, foremongu, no koto, karon ida dolar sanolu, tanba ne’e hau sosa fan haknao’k fali batar basia ida folin liama nolu sentavus, inklui fore mungu o koto, iha lata susuben ida hau fan fali lima nulu sentavos, husi ne’e maka hau bele resposnde no salva hau nia nesesidade uma laran nian, inklui mos selu oan ba eskola no kursu iha Dili,” haktuir ina faluk Natercia iha fatin negosia merkado Ainaro.sabado (11/3/23).
Inan faluk Natercia mos agradese ba oitavo governu tanba iha tinan ida ne’e nia mos hetan oportunidade programa uma naroman ba povu (UKL) ne’ebé konstrui ona nia uma iha suku Maoulu, maibe sedauk remata.
Enkunatu inan faluk Natercia kada semana ida fan nia produto durante loron tolu iha loron xesta, Sabado no Domingu, durante loron tolu ne’e hetan rendimentu dolar hat to sanolu deit, husi osan ne’e maka nia bele responde nesesidade uma laran.
Editor : Lian Orluli
