Lian Orluli –Rede Feto Nasionál kópera ho Lideransa Komunitáriu Foho Ai-Lico Postu Administrativu Hato-Udo lidera feto rural hodi komemora loron mundial feto rural, ho tema “Feto rural kultiva Ai-han Diak ba ema hotu” ho objetivu atu dignifika no enkoraja komunidade sira prevene violensia bazea ba jéneru hodi kontribui ba armonia iha Sosiedade
“Rede feto Timor-Leste servisu hamutuk sefe suku hodi organiza feto rural nune’e hodi selebra Loron mundial feto rural, Selebrasaun loron ida ne’e importante tebes fo Hanoin mai ita atu valoriza no dignifika feto rural sira nia kontribuisaun durante ne’e laos iha agrikultura deit , Maibe sira mos kontribui hadia ekonómia familia hodi garante sustentabilidade ba iha ekonómia família nian no sira mós kultiva ai-han diak ba família”, Dehan Jerente Programa Rede Feto, María José Goterres, ba Jornalista iha atividade selebrasaun loron mundial feto rural iha sede Suku Foho Ai-Lico
Nune Jerente ne’e Hatutan Tan “Objektivu husi surumentu ne’e Fahe Formasaun ba malu no mos bele kópera atu bele prevene violencia bazeia ba géneru iha suku ida ne’e nune’e mós feto ho feto enkoraja oportunidade ba malu hodi asesu edukasaun no partisipa iha vida polítika liu-liu hanesan Lideransa Komunitaria, enkuantu atividade ne’e realiza hodi diskute kle’an ho feto maluk inklui ho mane sira, hare’e liu iha aspeitu kontribuisaun domin Dame, Harmonía, Família ida .“Nia Hakotu
Iha Fatin hanesan Partisipante ho estimada Akai apresia ho rede feto ba selebrasaun loron munidal feto rural iha foho ai-Lico hodi halo diskusaun, feto nia direitu iha aspeitu polítika no sai lideransa inklui kontribuisaun feto Nian iha dezemvolvimentu
“Pessoal hau agradesse tebes ba rede feto belle mai kapasita ona ami iha programa diskusaun feto importante no belé sai lideransa inklui mo’s Belé kompete ho mane Sira iha koperasaun servisu saida de’it no divulga imformsaun Kona-ba jénero, iha selebrasaun loron internasionál feto rural iha foho Ai-Lico”.dehan partisipante ne’e
Atividade ne’e hala’o iha Suku Foho Ai-Lico abertura husi xefe Suku Deonato Laet no jerente rede feto, konta ho partisipasaun feto inklui komunidade sira, no atividade ne’e hala’o durante loron ida
Kontributor noticia ne’e husi Acasio hakerek husi Elzy
Editor:Lian Orluli
