Lian Orluli—Olandino Bianco preokupa folin fo’os ne’ebe sa’e fo impaktu ba komunidade kbi’it laek hodi sosa, tanba ne’e husu Governu hatun folin dos.
“Ami preokupa tanba agora ne’e foos folin karun $18.00 no $19.00 ami povu kbi’it laek dalaruma ami atu sosa maibe osan laiha ne’ebé ami hato’o mensajen ba governu atu nune’e bele hatun folin fo’os ami mós hato’o ba MTCI bele kontrola mós ba fo’os sira ne’e atu nune’e bele halo nusa para bele hato’o ba iha governu bele hatun ona fo’os ninia folin ne’e”.dehan komunidade ne’e
Tuir manajer empreja kelu-keke Angelino de Araújo dehan fo’os ne’ebé nia fa’an la halo manipula ba presu maibe tuir estandar husi Nasional
“Iha ne’e ami nia fo’os fan tuir estandar ne’ebé iha Díli, fo’os ho marka gostu los 25kg $17.50 ami mai fan fali iha ne’e ho folin $19.00, fo’os amor de família 20kg ami sosa iha Dili ho folin $13.50 Ami mai fan fali iha ne’e ho folin $15.00 bazeia ba Nasional ami iha nota Kompletu, ami nunka mais atu manipula ida, sira hato’o dunik maibe ida ne’e ami bazeia ba nota, sasan iha ne’e ami fa’an tuir nia estandar Hela“. Angelino de Araújo iha Loja Kelu-Keke Munisípiu Ainaro kinta ne’e 12/10/2023
Alende ne’e emprejariu FCN Ainaro Malquias Martins de Araújo deside matein folin fo’os tanba dau-daun ne’e folin iha merkadu kontinua sa’e governu la hatun
“Fo’os manu vitoria 25kg ho folin $18.00 no beruang merah 20kg ho folin $15.00 foin p mai loron rua liu ba, karik governu Slsira hatun ho folin $12.00 ami mós bele hatun mais agora nia folin sa’e nafatin uluk liu ami sosa ho folin $ 12.50 agora mak sa’e liu tan deit”. Dehan emprejáriu ne’e iha FCN Ainaro kinta ne’e (12/10/2023)
Nia hatutan bainhira governu hatun folin fo’os, empreja nain sira prontu deside hatun folin fo’os ba normal
Maibe antes ne’e governu hasai ona karta serkulasaun hodi normaliza folin fo’os ne’ebe sa’e no la tuir estándar, maibe iha Ainaro folin fo’os kontinua sa’e no fo impaktu ba komunidade kbi’it laek sira, kbi’it la to’o hodi sosa.
STJ : Hanya/Ivonia/Kribo/IKun.
Exitor: Lian Orluli
