Lian Orluli – Segunda feira ohin, Funsionáriu Publiku Munisípiu Ainaro selebra loron Comisaun Funsaun Públiku(CFP), ba dala-9 ho missa Agradesementu iha Igreja Paroquia Nossa Senhora de Fátima Ainaro, hodi hametin fiar iha nai kreda, nune’e mos badinas servi povu tuir Nai Maromak nia hakarak.
Ba Lian orluli Secretária Munisípiu Ainaro Rosa Olga Mendonça hateten iha selebrasaun Comisaun Funsaun Públiku ba dala-9, nafatin alerta ba Funsionário atu hala’o servisu tuir kna’ar hodi servi Estadu no Povu nune’e Kontribui ba Dezenvolvementu sustentavél iha Munisípiu Ainaro
“ Tuir lolos selebrasaun loron aniversário Funsaun Publiku monu iha loron Sabado 15 de Julho ,ita muda fila fali mai iha ohin loron Segunda ohin, atu nune’e Funsionariu Publiku sira bele partisipa hotu, iha selebrasaun CFP nian ita selebra deit missa agradesementu iha igreja Paroquia Nossa senhora de Fátima Ainaro, maske nune’e ha’u nafatin alerta ba funsiónario Públiku hanesan servidór Estadu no povu nafatin mantein kna’ar hodi hala’o Dezenvolvimentu Sustentavél iha munisípiu Ainaro’’, Secretário Munisípiu Ainaro Rosa Olga Mendonça, Kalarifika no mensagen, depois de missa agradesementu iha igrega paroquia nossa senhora de Fátima Ainaro segunda ne’e (17/07/23)
Alende ne’e Funsiónario antiguidade Munisípiu Ainaro Jacinta Barros, ne’ebé haknar aan hanesan Funsionariu Públiku durante tinan 30, nia parte agrdese tanba ho grasa nai maromak nian ohin loron sei bele asiste tan selebrasaun loron CFP ba dala –9 iha Munisipiu Ainaro ho missa agrdesementu.
“Ha’u agradese ho grasa nai maromak nian ohin bele partisipa missa agrdesementu CFP ba dala 9, tanba ha’u hanesan funsionário ne’ebé haknar aan iha Saúde munisipiu Ainaro durante tinan 30 resin ona. hahu haknar aan hanesan Funsionari iha tempu Indonesia to’o agora nafatin sai funsionário hodi servi ba povu, ho esperensia ne’ebé maka hau iha barak tebes iha balun diak no balun ladiak, durante ha’u hakna’ar a’an iha saúde munisípiu Ainaro,” Jacinta Barros hateten
Enkuantu iha Selebrasaun Aniversário Comisaun Funsaun Públiku ba dala -9 ho missa agradesementu, iha sesta loron (14-07-23) Administradór Munisípiu Ainaro hamotuk ho servisu Munisipais selebra uluk ho kuda ai ona 15 iha resintus Edifisiu Administrasaun Munisipiu Ainaro Tuir loron 15 fulan Junllo, loron selebrasaun aniversariu CFP nian
Tuir programa ne’ebé fo sai husi Protukolu ADM Munisipiu Ainaro, selebra missa iha loron segunda, atu nune’e funsionariu sira bele partisipa hotu. entretantu selebrasaun missa agradesemnetu ne’e partisipa masimu Funsionariu Publiku no Funsiunariu PNTL, inklui estudante sekundaria, nomos estajiariu UNTL iha Munisipiu Ainaro.
Editór : Lian Orluli
