Lian Orluli— Fundasaun Alola koopera ho Ministériu Saúde (MS), fasilita formasaun ba Grupu Suporta Inan (GSI) atu hakbiit koñesimentu iha atendimentu ba bebé ne’ebé foin moris.
“Formasaun ida ohin atu hakbiit fali Grupu Suporta Inan (GSI) nia koñesimentu bainhira atu fó susu ba bebé no fó ai-han Komplementár ba bebé iha situasaun Espesiál,” responsavel Promosaun Edukasaun Saúde, Domingos Tilman Gusmão dos Reis, hateten iha ámbitu fasilita formasaun iha salaun Juventude suku Ainaro, Segunda (15/05/2023).
Nia hatutan, formasaun ne’e atu eleva koñesimentu no abilidade bainhira hetan inan isin rua sira atu bele halo accunseling hodi hakat ba iha fasilidade saúde.
responsavel Promosaun Edukasaun Saúde, Domingos Tilman Gusmão dos Reis
“Formasaun ida ne’e espesiál tebes hodi hasa’e sira nia koñesimentu no abilidade, iha tempu ne’ebé maka sira hetan inan isin rua atu bele fó akonsellamentu bainhira hetan inan isin rua sira atu ba konsulta iha fasilidade saúde durante iha tempu isin rua to partu nune’e bele fó uluk hahán ne’ebé maka merese atu fó, hanesan susubeen kinur inan nian ne’ebé maka ema hanaran susubeen kolesteról no mós susubeen kinur inan nian ne’e kompleta ho vitamina A no K, no susubeen kinur ne’e bebé sira hetan de’it iha durasaun tempu loron tolu, hahú husi partu,” Nia hatutan.
Programa ne’e hala’o tanba dala barak inan sira seidauk iha koñesimentu oinsá atu bele fó susu bebé, iha tempu bebé moris to iha bebé fulan neen to’o bebé han hahán komplementár no kontinua fó susu ba to iha tinan rua.
Iha fatin hanesan, reprezentante funsionáriu Alola Fundation, Aida Nunes Mendonça, hatutan, programa GSI la’ós foin implementa, maibé kontinuasaun de’it programa ne’ebé hala’o tiha ona.
“Programa ne’e husi Alola Foundation, koopera servisu hamutuk ho Ministériu Saúde no apoiu finansiál husi ONG Internasionál UNCEF hodi bele fasilita formasaun ne’e ba Grupu Suporta Inan iha suku to’o nivel postu no formasaun ne’e ita kontinua de’it programa ne’ebé antes ne’e hala’o tia ona iha tinan kotuk,” Aida hateten.
Enkuantu, formasaun ne’e realiza tanba MS koopera servisu ho Fundasaun Alola no hetan suporta finansiál hosi UNCEF no total ba partisipante hamutuk 17 no formasaun refere sei hala’o perante loron 4, hahú husi loron Segunda feira to’o loron Kinta feira semana ne’e.
Enkuantu, atividade ne’e hala’o iha salaun Juventude suku Ainaro Vila, munisípiu Ainaro.
Editór : Lian Orluli
