Ainaro,Lian-Orluli – Kareta Fuso Ho Sapa Matricula 52.31 hetan soke Iha Kalehata Suku Aitutu, Postu Administrativu Hatubuilico, Munisipio Ainaro, akontese ne’e iha oras tuku 6 Loraik kinta feira /06/10/2022/.
Ba jornalista Orluli Motorista, Agustino de Araùjo hatete, Fuso ne’ebe nia kondus tula matreal konstruksaun ho todan tonelada 9, diresaun Dili atu ba Bobonaro to iha Kalehata Aituto akontese Asidente tamba travaun la diak.
“ sasan ne’ebe ami lori kuaze Tonelada sia (9) atu ba Bobonaro hodi halo konstrusaun Saluran, akontese asidente ne’e iha tuku 06:00 loraik kareta rem mak la hetan bainhira tun husi merkadu Aitutu, tamba ne’e hau aguenta deit hodi tahan volante to’o hetan rai lolon ses ba loos soke iha rai lolon atu nune’e bele assegura kareta atu labele monu ba rai naruk, no mos labele soke komunidade sira nia uma ne’ebe hela besik iha estrada ne’e”. Dehan Agustinu iha fatin akontesimentu
Alemde ne’e tuir observasaun husi komunidade kalehata, Marcelo dos Santos ne’ebe hela besik ba haktuir katak àrea ne’e sai hanesan risku ba Dezastre tamba sempre akontese bebeik asidente.
“akontese ne’e iha tuku ne’en loraik, ami rona tarutu maka’as iha estrada halo ami hakfodak hodi halai sai ba hare’e kareta iha tia ona rai lolon ami hanoin keta iha ema ruma kanek maibe agradese laiha ida mak kanek depois de ajuda ami husu tuir kondutor katak kareta nia travaun mak laiha nune’e nia hodi buka fatin atu asegura kareta nune’e mak nia konsege ba soke iha rai lolon deit tamba iha oin ne’eba kurva barak ona entaun kareta labele ba tan ona , ami observa Fatin ida ne’e Laos foin mak akontese asidente ohin maibe akontese dalabarak ona liu-liu transporte publiku sira hanesan Bus sempre hetan bebeik asidente tragiu iha fatin ne’e”. Marcelo dos Santos haktuir
Enkuatun asidente trafigui ne’e iha suku Aitutu bairo Kalehata, postu administrativu Hato-bulico, iha asidente ne’e la rejulta ema kanek,maibe’e kareta estragus kaman iha oin parte liman los, tanba soke ba rai lolon. No asidente ne’e seduk hetan komfirmasaun husi PNTL Ainaro.
Jornalista : Norvia
Editor : Orluli News
