Lian Orluli— Gabriela Soares aplikante vagas apoiu suku Postu Hato-udo partisipa iha teste oral no elektronika, enkoraza ba feto maluk atu labele lakon esperansa hodi kompete ho mane sira.
Ba lian Orluli Gabriela hatete, wanhira la passa iha teste oral no elektronika ba apoiu suku, nia parte sei la triste, maibe’e nafatin enkoraza feto maluk sira atu labele lakon esperansa, maiske kompete ho mane barak
“Ha’u senti kontente wanhira hau tuir teste ida ne’e, iha intervista, senti diak tanba uja komputador, maiske hau nia konesemento iha elektronika menus, maibe hau nafatin esforsu hodi partisipa hotu tanba ne’e oportunidade, hau mos atu hatete buat ne’ebè hau bele, hau dehan bele no buat ne’ebè hau labele hau dehan labele, hau hakarak kompete ho mane sira tamba hakarak atu desenvolve hau nia Munisípiu Ainaro liu husi suku hau nian rasik”, dehan aplikante Apoiu suku, husi suku leolima, Gabriela Soares ba Lian Orluli hafoin remata teste oral iha postu Administrativu Hato-udu
Sekretáriu três Munisípiu dos assuntos Sosial, Agostino Doutle Sarmento hanesan Prezidente Juri hateten, kanditados suku hamutuk 27 husi suku rua Foho-Ailico no Leo-Lima tuir texte oral no eletronik tenki ho valor 60 foin bele Passa
“Durante ne’e ami halo seleksaun dokomentos iha 30 mil ital, wanhira halo seleksaun dokomentos 27 pessoas mak passa, aplika ba finanças iha suku Leo-Lima mak ami halo Re-Anunsia fila fali ba 5 maibe 3 pessoas mak passa no agora sira atu tama ba intervista, antes ne’e 27 pessoas mak intervista no ba kadinatos ne’ebe tuir ona teste ho valor 60 mak foin passa iha teste, iha intervista ne’e ba Xefe departamento Sekretáriu, Administrasaun, Finanças no Sosial, kada Suku ida koloka ema nain haat (4)”, Agustino Doutel hatete
Nune’e nia rekomenda tan “ba joven sira iha Posto Hatu-udo inklui Joven Munisípiu Ainaro tomak katak importante iha buat tolu promeiru, selexsaun dokomentos, segundu teste eskrita oral no terseiru, komputador atu nune’e bele koko sira nia abilidade. Ha’u husu ba kandidatos sira ne’ebè mak la passa labele lakon esperansa munisípiu Ainaro sei presija ita boot sira nia presenja, importante labele halo problema hodi hamosu dizentendemento iha rai laran, prepara ita bo’ot sira nia a’an sei iha oportunidade oin mai ita boot sira bele prénse fila fali’’, Prezidente Juri Agostino enkoraja
Enkuantu Teste oral ne’ebé realja iha loron tersa feira 22 fulan ne’e, iha Salaun enkontru Postu Administrativu Hato-udo, aplikante hamotuk 26, husi numeru refere mane 23 feto iha 4.
Iha teste refere abertura husi Sekretáriu Munisípiu dos assuntos Sosiál Agostino Sarmento Doutel hanesan Prezidente Juri,Team Juri Administradór Posto Hatu-udo Cegres Jelino Paula José Carlos Da Costa Tilman no Xefe Departamento Prevensaun Informando Desastre naturais, Helena Ximenes Magalhães iha Posto Administrativo Hatu-Udo Munisipiu Ainaro.
Jornalista :Celita/Pedrolina
Editór : Lian Orluli
