Lian Orluli— Administador munisípiu Ainaro, Leovigildo Amarala Pereira hateten, Governu loke estrada alternativa husi Aldeia Gerudu ba Suku Suru kraik, tamba estrada anterior husi Suku Soro ba Suru-Craic hetan estragus total, impaktu husi erosaun.
“Orguilho tebes, planu atu loke estrda ne’e, hau hanoin kleur ona, wainhira hau simu posse hanesan Administrador, dalan ne’ebé maka atu loke primeiru maka fatin ne’e duni, segundu iha parte Leik nian, komunidade sira labele hakur ba mota sorin maibe’e sira sei liu husi rai hun,”Administador munisípiu Ainaro, Leovigildo Amaral Pereira.kuarta (19/07/2023)
Diretúr servisu Obras Públika munisípiu Ainaro, João Henrique de Araújo hateten, kompañia Sunrise Unipesoal Limitada ne’ebé hala’o konsórsiu ho kompañia Nesto Dasil Unipesoal Limitada, hodi hala’o manutensaun ba estrada iha munisípiu Ainaro, inklui loke estrada alternativa ba suku Suru-kraik, ho montante orsamentu rihun atus hitu, ho durasaun kontratu hahú iha meadu tinan 2023 to’o tinan 2025.
“ Liu husi manutensaun konservasaun vias rodas viariu atividade roul rutin mente nia pakote ba munisipiu 12 inklui mos ita Munisipiu Ainaro, empreja ne’ebé maka manan nain maka Empreja Sunrice JV-Nesto Dasil, durasaun tempu kontratu tinan rua 2023-2025,” Diretúr Servisu Obras Públika Ainaro, João Henrique de Áraújo.
Xefi suku suru-kraik, ronaldo soares, agradese ba governu liu husi autoridade masimu munisípiu Ainaro no Ministériu Obras Públika, ne’ebé iha komitmentu loke Estrada Alternativa.
“Hau senti kontenti tebes no ami sei kopera diak ho parte hotu-hotu no obras públiku hadia dalan ne’e ami sei la husik hela, liu-liu sefi suku Soro no Suro-Craik, inklui ho sefe ladeia sira sei tau matan to servisu ne’e remata,” Xefi suku suru kraik, Ronaldo Soares
Komandante PNTL Munisípiu Ainaro, Superintendente Paulino Carmo Pereira afirma, PNTL sei asegura kompañia sira nia servisu durante loke estrada foun ne’e.
“ Parte seguransa ami prontu atu asegura situasaun sira hanesan ne’e karik mompania sira servisu iha ne’e ladun seguru karik, ami prontu para akompanha sira iha ne’e,” komandante PNTL Ainaro, Paulino Carmo Pereira
Enkuantu tuir observasaun Lian Orluli, iha lansamentu loke estrada foun ne’e, autoridade hamutuk ho komunidade no lia nain halo kultura tuir tradisaun Timor nian hodi husu lisensa molok hahu projetu refere.
Total populasaun suku suru kraik rihun rua sanulu haat nulu resin hitu husi uma kain atus haat lima nulu resin hitu.
Editor: Lian Orluli
