Lian Orluli—Relasiona ho folin fos ne’ebe mak a’as iha Teritorio Timor laran tomak inklui munisipiu Ainaro. Tanba ne’e Governu halo intervensaun liu husi CLN fa’an fos lokal ho folin baratu ba komunidade iha munisipiu Ainaro.
Ba lian orluli Diretora Finansas Florbela Monica de Araújo informa, fos ho morka CLN koloka ona iha munisípiu Ainaro hamotuk 1.440 sakas, sei fan deit ho folin baratu tuir komunidade nia kbít, fos 25kg fan ho folin dolar $12, enkuantu ho 30kg fan ho folin $15.
“ Governu nia intervensaun ida ne’e tanba hare situasaun iha merkadu laran komunidade barak halerik liu ba foos folin aas iha teritori, tanba ida ne’e liu husi CLN halo intervensaun direta iha merkado ba komunidade iha munisipiu Ainaro, sei faan fos ho folin baratu” dehan Diretur Finansas Florbela CLN.
Relasiona ho fos ne’ebé maka koloka ona iha munisipiu Ainaro faan ba komunidade la sufesiente tanba ne’e Autoridade postu administrativu Ainaro, Nazariu de Araújo rekomenda ba governu atu kuntinua distribui foos mai nafatin iha munisipiu Ainaro hodi responde ba komunidade sira, kona ba foos folin aas iha munisipiu Ainaro.
“Hare ba foos ne’ebé koloka mai iha munisipiu Ainaro la sufesiente tebes, tanba ne’e lori autoridade munisipiu Ainaro rekomenda governu liu husi CLN kuntinua koloka foos refere to iha area remotas sira, hodi responde nesesidade komunidade nian liu husi aihan sira,”dehan Administrador Postu Administrativu Ainaro.
Tuir observasaun jornalista Lian orluli nota iha terenu komunidade intusias tebes sosa ho hadau malu, tanba ho folin baratu.
Entertantu fos ne’ebé maka governu koloka mai iha munisipiu Ainaro hamotuk 1.440 sakas, fahe ba postu administrativu 4 hanesan Postu administrativu Maubisse 280 sakas, Hato-builico 300 sakas, Hato-udo 300 sakas, inklui Ainaro 560 sakas.
Editor : Lian Orluli
