Lian Orluli – (10/04/2025) Ministru Petroleu Rekursu Minerais Francisco Monteiro husu Populasaun Postu Administrativu Hato-Udo ne’ebé mak Afeitadu ba projetu tasi mane, atu Koopera ho governu, hodi oferese rai bainhira konstrusaun Auto -Estrada hahú labele mosu problema.
“Projetu ida ne’e faze ida hodi ajuda ita halo negosiasaun atu dada kadoras Greater Sunrise mai Timor-Leste, tanba ne’e husu imi nia kontribuisaun ba Projetu Auto-Estrada, hanesan mós imi kontribui ba dada kadoras mai Timor-Leste ho ida ne’e mak ami mai ko’alia ho ita boot sira husu imi kooperasaun”, Dehan Governante ne’e
Nune’e mós Ministru MPIE Gastao Sousa hateten Governu iha Responsabilidade atu halo Dezenvolvimentu, maibé Dezenvolvimentu ne’e atu la’o presiza kontribuisaun husi Populasaun sira.
“Husu ba populasaun Hato-Udo, mai ita fó liman ba malu hodi kontribui ba dezenvolvimentu, ba Jerasaun sira iha futuru mai“.
Presidente Autoridade Munisípio Ainaro husu Populasaun postu Administrativu Hato-Udo atu kopera ho governu nune’e bele loke kampu Trabaill ba Joven sira.
“husu ba populasaun postu administrativu Hato-Udo, atu kopera ho governu nune’e bele loke kampo de Trabalho ba joventude sira”.
Alende ne’e Komunidade Postu Administrativu Hato-Udo Narciso Amado de Jesus , Joana Bety, Domingos da Costa, Marcelino Magno, Maria no de Almedia Agradese ba Governu, tenki trata Hanesan ho Munisípio Suai.
“Ami aseita ho dezenvolvimentu ne’ebé mak mai, husu atu trata ami ho di’ak no dignu, no ami nia ai horis sira ho di’ak tanba maioria moris agrikultura. Alende ne’e mós trata ami ho populasaun Suai hanesan, rai metru ida $3.00, ne’e ami aseita. No tenki tau prioridade ba ami nia joventude sira, fatin Sagradu ou Lulik sira tenki trata ho di’ak“.
Auto-estrada ne’e iha kilometru 176, maibé hafoin halo ajustamentu, iha mudansa estratéjiku ba konstrusaun Planta LNG, husi Beaço ba Natarbora mak fixa konstrusaun kilometru 110, ne’ebé kilometru 30, husi Suai ba Covalima konkluidu no sei konstroi tan kilometru 70 resin hodi fahe ba seksaun tolu no kada Seksaun konstitui husi kilometru 25 resin.
Antes nee iha loron 17 fulan Marsu 2025, Konsellu Ministru autoriza Ministerial Petroleu Rekursu Minerais halo despeza relasiona ho programa Implementasaun Projeito Tasi mane iha konsta Súl, ho montante $ 40.500.00
Jornalista: Sara Lewis
Editor :Lian Orluli
