Ainaro Lian Orluli 21-09-2022- Sekretáriu Estadu Protesaun Sivil Liu Diresaun Nasional Risku Dezastre Munisipiu Ainaro fo Apoiu Material Konstrusaun ba Vítima Dezastre Naturais Uma-Kain 89 Komposto husi Posto Administrativo Ainaro, Hato-udo,Maubisse no Hato-builico Munisipiu Ainaro, ne’ebe Mak Afeita husi Inundasaun iha loron 4 Abril 2021.
Iha Tersa Feira (20/09) Protesaun Sivil Liu husi Diresaun Nasional Risku Dezastre Munisipiu Ainaro Fo Apoiu Material Konstrusaun ba Vitima Uma-kain 89 , ne’ebe Mak afeita husi Inundasaun iha Loron 4 Abril 202
Xefe Departamentu Apoiu Dezastre Naturais Munisipiu Ainaro Albertino de Araujo hateten Apoiu Ida ne’e Bazeia ba Dadus ne’ebe Mak Ita Hatama ba iha Ministerio relevante , Aprova ona Foin Mak Haruka Material Sira Mai Mak Ita foin halo Destribuisaun,
“Apoiu Material Konstrusaun ne’e Mak hanesan Kalen, Besi , Sumenti, Martelu ,Pregu, Balde no Osan ba Vitima Dezastre Naturais , Tamba Governu klasifika ona Uma Sira ne’e Tama dunik iha kriteria Governu nian, ho nune’e, Mak Governu fo Apoiu Material Konstrusaun “. Dehan Albertino de Araujo ba Jornalista Orluli iha Terenu.
Alende ne’e Administrador Posto Ainaro Nazario de Araujo husu ba Inan aman Sira ne’ebe Mak hetan ona material Konstrusaun tenki halo Uma , Tamba kada Fulan tolu Ekipa sei halo monitoring ba Ita boot Sira ne’ebe Mak hetan ona Material Konstrusaun ne’e, Sekarik Ita boot Sira la halo Uma Ekipa hamotuk ho Lideransa Lokal sei Foti Fila fali Material atu fo fali ba Komunidade kbiit laek sira, ne’ebe Mak presiza .
Iha sorin seluk Komandante Operasionál Protesaun Sivil Munisipiu Ainaro Inspektór Polisia Afonso da Silva lamenta Apoiu Material Konstrusaun ne’e iha Tipu Rua, A’at total material Konstrusaun hanesan ho A’at Kaman, maibe A’at total Osan ho montante $1000.00 kada Uma kain Ida, A’at Kaman ho Osan Montante $ 600.00 ,kada Uma-kain Ida.
Entertantu Jornalista Orluli nota iha Terenu Apoiu Material Konstrusaun Partisipa Husi Xefe Departementu Apoiu Dezastre Naturais Munisipiu Ainaro Albertino de Araujo, Komandante Operasional Protesaun Sivil Munisipiu Ainaro Inspektor Polisia Afonso da Silva ,Administrador Posto Ainaro Nazário de Araújo, Voluntário CVTL no Inklui Vítima Dezastre Naturais Sira hotu.
Editor : Lian Orluli
