Lian Orluli 09/03/2027, Dili– Governu Timor-Leste Liu husi Sekretariu Estadu Formasaun Profisional no Empregu, SEFOPE sei servisu hamutuk ho adidu hodi hare’e trabaillador sira bainhira envolve ka pratika krimi durante servisu iha estranjeiu
Rogerio Araujo Mendonca hateten sei la tolera bainhira trabaillador timor oan ne’ebe governu haruka ba servisu iha estranjeiru envolve arte marsial no komete krime
“Parte embaixada, adidu sira, seidauk fo informasaun mai SEFOPE, ita bo’ot sira hatene Embaixada ho adidu sira informa mai katak ita-nia trabaillador sira ne’ebe envolve iha arte marsiais, hau fiar katak kuandu sira maka envolve duni iha arte marsiais, sira ba ne’e laos kompainia ida mak haruka sira ba, sira ba ne’e governu mak haruka sira ba, sira atu hela iha ida ne’e governu servisu hamutuk ho governu korea, tenki haruka sira fila, tanba sira antes sai husi timor hodi ba servisu iha nasaun ne’ebe deit, sira iha kompromisiu asina deklarasaun parte trabaillador, familia trabaillador ho governu, entaun kuandu hetan aktus sira hanesan ida ne’e ba governu sei la tolera, trabaillador sira ne’ebe mak komete iha krime sira hanesan ne’e”, SEFOPE Rogerio Araujo Mendonca dehan ba jornalista sira hafoin remata lansamentu portal dus Trabaillador iha salaun city8 segunda ne’e, 09/03/2026
Jornalista: Alves Carvalho
Editor: Clementina Fatima
