Lian Orluli— Ministréio Turismo Comerçio Industria (MTCI) kopera servisu ho UNDP hala’o Sosializasaun Pra-Akampamentu ba grupo inovativo no produktivu hamotuk 70 husi rejiaun sentral kompostu husi munisipo 4 , Manufahi, Covalima, Aileu nomos Ainaro.
Sosializasaun ne’e bazeia ba proposta husi intresantes Grupo foin sa’e inovativo no produktivu ne’ebé iha interse tuir kompetisaun inovativo nune’e bele Kria Imprezário ba foin sa’e inovador iha area Mikro pekena no Médio Impreza, nune’e kria mos kampo de trabalho liu husi fortelesementu no empoderamentu, eko sistema no involvementu foin sa’e hodi bele hasa’e habilidade joven nian iha are negosio
“Objektivu prinsipal husi Kompetisaun Negosio Inovativo no produktivu sira maka hanesan, Kria Emperzario ba foinsae inovador sira iha area mikro Pequena no media empreza, kria mos kampo de trabalho ba sira nia moris, liu husi fortelesementu empreendedorismo no ekosistema inovasaun no involvimnetu foin sae sira nian, hasa’e kresimentu ekonomia rai laran, nune’e mos hodi atnije metas husi ODS, kona ba trabalho Digno no krisemento ekonomia no industria inklujiva nomos sustentavel,” hateten xefe Departementu Apoiu Dezemvolvimnetu Inovasaun Imprejarial , Hilário da Cruz ba jornalista iha ambitu sosializasaun pra Akampamentu rejional iha salão paroquial Vila Maria Ainaro, segunda (20/06/23)
Xefe departementu ne’e hatutan” Governo preve orsamentu jeral do Estadu ba programa kompetisaun negosiu inovativo tinan 2023 ho montante $ 921,000.00 ne’ebé fahe ba rejiaun 3 ho munisipiu Atauro”. Nia hatutan
Iha fatin hanesan Jerente Projetu YEES, UNDP Timor Leste, Hunjai Lee, hateten inovasaun imprezarial organija hamotuk ho MTCI ato fó oportunidade ba Joven foinsa’e sira iha area Inovativo no produktivo nune’e atu esplora Joven sira nia potensialidade iha negosio no bele hamenus dejempregu iha rai laran.
“ Programa inovativo no produktivu ne’e fo oportunidade ba foin sa’e sira atu esplora sira nia potensialidade iha negósio, ho sira nia involvimentu hodi Kontribui ba kresimento ekonomia Timor-Leste liu husi kreatividade inovatitu iha setór produktivu sira hanesan agrikultura, Peskas Komersio no Turismo nian, nune’e bele aumenta númeru emprezáriu foin-sa’e sira iha area empreza mikro ki’ik no médiu ne’e hamenus ona kestaun dejempregu,” dehan Jerente Projetu YEES,UNDP iha nia deskursu.
Enkuantu atividade ne’e MTCI Kopera ho IADE no UNDP Realija Pra-Akampamnetu ba Grupo inovativu no produtivu ne’ebé passa ona iha selesaun dokumentus maka hanesan Ainaro ho total grupo 12, Aileu grupo 25, Manufahi Grupo 19, no Covalima grupo 14, kompostu husi mane 50 no feto 20, husi Grupo 70 ne’e inklui mos grupo husi difisiensia nain 2.
Antes hala’o atividade ne’e MTCI hala’o verifikasaun ba manan nain iha selesaun dokumentus, to’o iha baze hodi survei direta grupu sira nia ejistensia hafoin tama ba iha pra- akampmentu. kompetisaun Inovativu no produktivu ne’e tama ona ba etapa dahat, no hala’o sosialijasaun ne’e ba etapa dalima nian
Atividade sosializasaun ne’e hala’o perante loron 3, ho objektiu atu fo koñesemetu ba grupo sira oinsa atu bele kompriende ho didiak kriteria sira antes hakat ba iha Akampamentu.
Editor : Lian orluli
