Ainaro Lian Orluli — Grupu arte marsial no ritual asina akta hakribi violensia iha Cassa, munisipiu Ainaro. Kinta 10-11-2022
Komandante PNTL munisípiu Ainaro, Superintendente Justino Menezes hateten: objetivu asina akta prevensaun krime ne’e, tanba iha loron 1 no iha loron 6 fulan ne’e, Grupu Artemarsial husi IKS PSHT inklui Arte Ritual halo asaltu iha suku Cassa hodi fó impaktu ba enstabilidade no movimentu komunidade nian.
Tanba ne’e komandu PNTL munisípiu Ainaro, organiza dialogu envolve membru Arte Marsial no Ritual, inklui komisaun reguladora Arte Marsial nian, hodi buka solusaun ba problema refere.
“ Konsikoensia problema ne’ebé maka akontese komesa iha loron 1 to lor 6 fulan ne’e primeiru ita nia jogu amijade ne’ebé maka suku ida ne’e hala’o tia ona sira taka no labele kontinua tanba, problema komfrotasaun entre joven sira ho joven, nune’e mos segundu, eskola iha ne’e labele hala’o tanba aktividade hanesan babain tanba husi parte sorin liman los no liman karuk ne’e sira hafuhu malu, entaun ne’e atuvidade eskola mos labele lao. Tanba ne’e iha inisitiva husi komando PNTL Munisipio mai iha ne’e atu organija hamotuk ho xefe do suku no KRAM sira organiza dialogu ida ne’e no ohin hetan solusaun”. Hateten komandante PNTL Ainaro, superintendente Justino Menezes.
Ho asina akta ne’e, komandante PNTL ne’e afirma, atividade eskola no atividade desportu iha suku Cassa tenke lao fali, hanesan bain-bain.
Iha fatin hanesan, prezidente sub-kram Ainaro, Marcelino Mendonça, husu ba membru artemarsial no ritual suku Cassa, atu kumpri desizaun no akta ne’ebé asina ona, bainhira la kumpri ba oin autoridade lokal no lia nain sira sei aplika desizaun kultura nian mak tenki oho karau no multa osan
“ Hodi ne’e ba oin ita hamate Problema sira mesmuque liu ho situasaun ne’ebé maka ba oin sira sei planu, no iha atividade ida ohin lia nain sira mos tau rigoriju liu tan atu evita situasaun sira hanesan sira ne’ebé akontese tan iha segunda vez”. Katak Prezidente Sub KRAM Ainaro Marcelino
Xefe suku Cassa, Longuinhos de Araújo hateten, promete sei tun direitu halo atuasuan, bainhira mosu fali problema ruma.
“ Ba Problema ne’ebé maka akontese no hamtae ona, ba oin maka akontese fila fali hau sei prontu sai hanesan Lideransa Masimu iha suku ida ne’e hau hamrik iha oin atu atu situasaun saida maka akontese tan iha suku ida ne’e”. dehan xefe suku Cassa, Longuinhos de Araújo.
Enkuantu atvidade dialogu ne’e hala’o iha sede suku Cassa, perante loron ida, no hetan partisipasaun husi grupu arte marsial no ritual hanesan, PSHT,IKS, KORK, 77, 55 no kolimau 200.
Editor : Orluli News
