Lian Orluli – Grupo we-katar koileta batar hektares tolu iha suku Foho-Ailico Postu Administrativo Hato-udo
Xefe Grupo Muzinho Gamoes hateten koileta batar hektares tolu la hare ba tempu
“Ami nia batar ne’e koileta la hare ba tempu bailoron ka udan,ami hare liu ba rendimento husi batar nurak nian” dehan xefe Grupo ne’e Muzinho Camoes,via telefone ba lian Orluli ,(18-11-2024 ),
Fatin hanesan Xefe Suku Foho Ai-liko Filomeno Da Costa hatutan,Grupo Agricultura koileta batar nurak lá hare ba tempu no hare liu ba rendimento husi folin batar nurak nian
“Grupo ne’e hari husi komunidade sira hamutuk nain sanulu resin Ualu,no hetan apoiu husi FHO ,no konservatoriu ne’ebe parseiro husi Agricultura apoiu grupo refere hare liu ba aihan hanesan batar oin rua maka Batar Noi Mutin hektares rua no Cele hektares ida.iha koileta batar nurak ne’e sira la hare ba tempu udan no bailoron ,hare liu ba batar wainhira isin hodi fa’an, wainhira hotu sira kontinua kuda nafatin” Dehan Xefe Suku Foho Ai-liko.
Iha Okaziaun Prezidente Autoridade Munisípiu Ainaro Manuela Georzina Carmo Bucar Corte-Real husu ba grupu Agrikultor sira, kontinua badinas nafatin uza sistema FHO nafatin uza rai ne’ebé mak mamauk hodi kuda ai-han sira nune’e hodi fo produsaun diak.
“Parabens ba Agrikultor sira, kontinua badinas nafatin uza sistema ne’ebé mak parseiro FHO fó nune’e bele konserva nafatin rai, ne’ebé mak mamuk hela karik Autoridade Munisípiu Ainaro,liu husi ministeiru Agrikultura nian, Faselita traktores , maibé husi ita bo’ot sira tenki badinas nune’e produsaun prontu lokal aumenta diak” dehan PAM
Koileta batar Noi-mutin hektares rua no batar Sele hektares ida husi Grupu Agrikultor Wekatar ne’ebé kompostu husi ema nain sanulu resin Ualu, lakaliza iha area We-Katar Suku Foho Ai-lico Postu Administrativu Hato-Udo.
Jornalista; Pedrolina Da Costa.
Editor : Lian Orluli
