Ainaro Lian Orluli— Komunidade no ekipa konjunta PNTL inklui ekipa APC munisipiu Ainaro ho família tula bua ho malus iha lisan mahein foho sagrado Ramelau, komunidade foin hetan joven Riando Falo nia isin latan hela área Farol Ramelau, Hato builico, ne’ebé ho kondisaun laiha iis
Joven Riando Falo ho nia kolega Orlando Martins ne’ebé lakon iha Ramelau, iha loron ualu fulan ne’e iha Ramelau, hafoin lia na’in sira Hato-builico hala’o ritual iha segunda to’o tersa ne’e.
Hafoin ritual, ekipa konjunta PNTL no ekipa resgate APC munisípiu Ainaro hamutuk buka sidadaun na’in rua ne’e, ikus mai iha tersa feira horseik konsege hetan Riando Falo, nia isin lolon ne’ebé toos laiha ona iis, latan hela iha rai maibé parte família konsidera Riando Falo nia liman sei mamar no iis oituan iha hirus matan.
Tamba ne’e família husu ápoiu ekipa resgate APC munisípiu Ainaro no komunidade foti sai Riando nia isin lolon ne’ebé monu ba rai kuaze 20 metrus husi foho ba rai ne’ebé lolon
Hafoin foti sai tiha, família husi Riando Falo hala’o kedas primeiru sukoru hodi bomba hirus matan Riando Falo
Maske kalan, maibé ekipa Resgate taa aii hodi halo maka manual ida hodi leba Riando falo, husi Ramelau área Farol mai Santuariu Ai-guareama Hato-builico
Alberto de Araújo, haktuir, hafoin hetan Riando Falo nia isin mais ou menus iha tuku lima loraik, nia parte kontaktu vea telefoni ba iha PNTL munisípiu Ainaro no APC Ainaro inklui familia hodi sa’e ba foho Ramelau nune’e evakua Riando Falo
“Iha momentu ami atu sae mai iha ne’e mais ou menus tuku hat hanesan ne’e ami se ba hamotuk iha uma lisan, ho komandante sira no inan aman husi joven nain rua nian, tula kedas bua ho malus, husi neba ami simu kedas lia fuan husi katuas lia nain katak lori bua ho malus ne’e ba tau iha fatin ne’ebé hatudu ona, hamotuk iha tolu, rua iha karaik no ida ikus liu iha leten, bainhira ami mai iha fatin ne’ebé maka ikus ona hodi tau bua ho malus ne’e, ami hetan liu mate isin Raiando nian,” Abitante Albertino haktuir
Tuir observasaun Jornalista iha terrenu nota katak, Riando falo uza kamiza mutin no meas mutin no nia ulun taka ho kapasete, inklui pasta metan kiik ida kesi iha nia kanotak
Entertantu komunidade deskobre sidadaun na’in rua ne’ebé lakon iha Ramelau, liu husi motorizada marka genio ho sapa matrikula s 6898 tl para iha santuariu ai-guareama, iha loron ualu, maibé to’o sabdu semana kotuk na’in ruma lao mak ba foti
Tuir informasaun ikus husi servisu polísia ingestugasaun ikus ne’ebé Jornalista asesu kontatktu telefoni iha kuarta feira ohin dader, bainhira transporta Riando to’o ospital referensia Maubessi, dotor sira koko no deklara ba família, Riando iis kotu ona, hafoin ne’e kontinua transporta Riando Falo nia isin mate ba iha mortuariu HNVG hodi hala’o prosesu autopsia, tamba tuir pedidu ne’ebé mak parte polísia investigasaun Ainaro hetan iha Maubessi
Tamba ne’e ekipa konjuntna PNTL munisípiu Ainaro, Aileu no ekipa Resgate APC munisípiu Ainaro hamutuk ho komunidade buka tuir sidadaun na’in rua ne’ebé lakon, Orlando Martins inklui Riando falo ne’ebé hetan ona
Editór: Lian Orluli
