Lian Orluli—Matebian Luís José de Araújo, ho idade 70,hela iha Suku Soro, Postu Administrativu Ainaro Vila, Munisipiu Ainaro, lakon kontaktu ho família, iha loron 05-7 fulan Agosto, hafoin famila tula bua ho malus iha Be’e matan Lulik, komunidade hetan kedas mate-isin latan hela iha to’os laran, ho kondisaun laiha ona i’is iha área Aidaha-fu, suku soro, posto administrátivo Ainaro, munisípiu Ainaro
Ba Lian Orluli, Rezidente Suku Soro, Martins de Araújo haktuir sidadaun Luis José de Araújo sai husi Uma, iha loron 05 fulan agosto 2023, to’o loron 07 fulan agosto 2023, seidauk fila mai uma hafoin família hato’o keixa ba PNTL Munisípio Ainaro , Bombeiros hodi buka tuir Sidadun ne’e, durante loron 3 la hetan.
‘’Iha loron sabado dader mate-bian sei matabisu hela ,depois ba sunu-ahi hodi tein fahi nian ,no la konsege atu tein fahi nian,maibe nia ba hari’is iha be’e matan babain nia hari’is, hotu fase roupa hodi ba habai iha tali, hafoin nia sai husi uma , ami mos ladun hatene, liu ona loron tolu la-fila mai uma , entaun ami familia lori ba hato’o iha Segurança PNTL Munisípio Ainaro , Bombeiros hodi buka tuir nafatin, to lron segunda feira, familia tur hamotuk hodi deside lao tuir kultural, bolu lia nain hamulak iha be’e matan lulik babain nia haris ba, la to oras familia hetan kedas mate isin latan hela iha nia tos laran,”.Rezidente Suku Soro Martins de Arajú hateten iha area suku soro ,segunda ne’e(07-08-2023)
Iha sorin seluk Rezidente,Tomas da Silva Felis salienta tan, familia hetan mate isin ho kondisaun la iha Ona i’is (Mate), iha Área Aidaha-Fu,Suku Soro nian.
“ Durante loron tolu nia laran PNTL munisipiu Ainaro hamotuk ho Bombeiros buka matebian nia isin lahetan ,maibe hau fila husi suku Nunu-mogue ,hodi foti bua ida no malus ida ,ba tula iha be’e matan babain matebian ba hari’is besik to’os ne’ebé mak matebian halo ba iha área Aidaha –Fu, hafoin hau hateke ba to’os laran hetan kedas matebian nia Isin mate latan hela iha to’os laran ho kondisaun la iha ona i’is (mate) , hodi informa kedas ba iha PNTL no mos Bombeiros , hodi evakua mate isin ‘’Rezidente Tomas da Silva salenta
Ho nune’e Segundu Komandante superentendente Asistente, Mario Vitor, hateten mate-bian Luis familia hetan ona iha loron segundu iha ninia to’os laran, tanba ne’e familia deside ba autopsia, hodi bele hatene lolos matebian Luis nia mutivu husi mate ne’e
“katuas Luis ne’e sai husi uma, nia familia hanoin nia ba futu manu, iha dia seguinte laiha, nia familia komesa buka to iha matebian nia to’os, hare matebian Luis toba taka rabat ba rai iha hela aidila nia hun purvolta 5 metru, ho kondisaun laiha ona i’is no nia ulun latan hela iha aidila tahan nia leten, tanba ne’e familia deskomfia sr, luis sofre moras ruma, ho nune’e maka deside ba autopsia atu bele identifika lolos, mutivu husi mate ne’e”, dehan segundu Comandante ne’e
Enkuantu husi parte família konkorda, hodi submete mate-isin, tuir prosesu Autopsia iha Hospital Nasionál Guido Valadales(HNGV) Dili, atu nune’e bele hatene lolos motivu husi akontesementu ne’e.
Editor : Lian Orluli
