Lian Orluli— Eduardo do Carmo Mendes asumi responsabilidade hanesan lideransa iha Suku Soro Ainaro hafoin iha loron ruanulu-resin ualu fulan outubru tinan 2023 ne’e espíritu hamosu nia konfiansan kandidatu hodi kompete ho kandidatura sira iha suku refere, antes ne’e nia hakanar aan hanesan katekista fo dutrina ba katekeje sira, maibe’e fulan ne’e hetan komfiansa hodi kandidatu aan no kompete ho sira seluk, nune’e iha loron 13 fulan novembru ne’e, eleitores maioria fo konfiansa ho votus válidu 608 ba mandatu tinan hitu. Tanba hetan ona komfiansa nia promete sei tau perioridade liu mak infrastrutura bázika hodi labele difikulta komunidade sira iha baze
“Primeiru hare’e ba be’e mo’os tanba iha suku Soro komunidade sira tinan barak nia laran sira sempre hasoru problema ba be’e mo’os, estrada iha suku laran to’o aldeia estrada a’at hanesan komunidade sira atu lori produtu ba fa’an iha merkadu la diak, no transporte sira atu movimentu ba mai la diak tanba estrada nia kondisaun la diak, joven ne’ebe mak abandona loke mos formasaun ba joven sira hanesan ingles, komputador no formasaun sira seluk, Sansaun maka’as ba joven sira ne’ebe mak halo problema ne’e sei la tolera tenki fo sansaun maka’as ba sira”. Dehan Xefe Suku eleitu ne’e.
Tanba ne’e Miguel Perreira ne’ebe dadaun ne’e sei lidera suku antes ne’e re-kadidatu maibe la konsege liu barrera, nune’e nia parte sei hanesan sidadaun suku Soro nafatin kopera ho xefe suku eleitu hodi lori dezenvolvimentu ba komunidade tanba naran mak troka maibe nafatin
“Ukun ne’e la troka naran hanesan agora Sr. Eduardo do Carmo Eleitus fali reieleitus ba Lider Xefe Suku mezmu nia la liu nafatin kopera ho Xefe Suku foun nu’udar sidadaun suku ida ne’e no povu ida ne’e nafatin apoiu nia katak apoiu ba rai ida ne’e, ne’e mak nia prinsípiu”. Nia dehan
Maske nune’e nia enkoraja xefe suku eleitu atu kuída ekipamentus ne’ebé sei entrega ba lideransa foun hodi kontinua lidera suku iha periodu tuir mai ho diak no labele hare’e deit ba familia
“Koragen nafatin Xefe Suku foun agora ha’u se’i ukun hela sira nia eleitu Xefe Suku dia 28 ba simu pose sei halo serimonial simples antes ha’u entrega print, leptop, komputador, karimbu, ha’u sei koalia liafuan badak ba Xefe Suku foun sasan estadu nian ha’u hanesan Xefe Suku husu ba Xefe Suku foun kuidadu sasan sira hanesan ha’u kuidadu no mos korajen nafatin ba nia ukun la bele hare’e ba família, arte marsiais, no partidu, hare’e ba estadu enjeral suku Soro husu ba Xefe Suku foun hare’e Xefe Aldeia, estrutura foun sira Jere servisu estadu nian iha Suku atu implementa Suku ho diak ba Xefe Suku foun buat ne’ebé nia la hatene ha’u sei ajuda karik sira presija ha’u nafatin ajuda atende no tane sira, atu Suku Soro avansa ba oin, ida ne’e mak ha’u nia prinsipiu”. Hatutan nia
Alende ne’e Joventude Suku Soro Hermengildo de Andrade hateten, ejerje ona direitu ba lideransa ne’ebe ho vizaun foun atu bele halo tau matan ba preokupasaun komunidade liliu infrastrutura bázika hodi lori mudansa ba suku
“Partisipa iha Eleisaun Lideransa Komunitario ejerse ona direitu hili lideransa ba Suku ida iha vizaun no misaun iha kapasidade atu hare ba iha Dezenvolvimentu halo mudansa ba Suku ida ne’e, Prioridade liu ba Suku Soro komunidade sira imfrenta hare ba be’e mo’os no estrada”. dehan juventude ne’e
Juventude ne’e rekomenda tan bele preokupa ho infrastrutura bázika, nia mos rekomenda atu kria sentru formasaun no atividade despprtivu ba joven sira
“Ba Xefe Suku Foun tau atensaun liu ba be’e mo’os no estrada, loke centro formasaun ba joven sira, kria mos atividade hanesan Futeball no Vollyball,“ Dehan joven ne’e
Elisaun orgaun suku liu ona maibe tuir observasaun Administrador Posto Ainaro Villa Nazario de Araujo katak, nia parte observa iha eleisaun ronde daruak ne’e partsipasaun eleitor sira menus kompara ho eleisaun dahuluk ne’e, tanba laos feriadu nasional estunte kontinua hala’o prosesu estudu no balun servisu do’ok
“Observasaun ba Sentru Votasaun Suku Manutasi no Suku Soro partisipasaun komunidade sira minimu, Segundu ronde ema iha Suku laran no Aldeia laran mak vota razaun tamba balu servisu dok, kontinua estudu, Universidade, tuir lolos feriadu nasionál maibe hare’e ba Transporte kompara primeiru ronde komunidade sira partisipa antrian teb-tebes garis ne’e maka’as, ba segundu ronde partisipa minimu tanba hanesan problema ne’ebe iha,” Dehan Administrador Postu Ainaro ne’e.
Nia mos mo’os dehan eleitor barak mak lakon direitu tanba la parsipa iha eleisaun orgaun suku maibe la obriga depende konsiensia eleitor nian maibe atu dezenvolve presija iha eleisaun hili lieransa hodi halo dezenvolvimentu ba ra ida ne’e
“Sira la partisipa iha sentru votasaun konserteja ne’e lakon direitu tuir lolos nu’udar sidadaun povu Suku ida ne’e tenki vota, votus tinan 7 apoiu ema ida kandidata hela la mai vota ne’e lakon direitu maibe fila ba ida idak nia konsiensia lei la obriga maibe ukun a’an ona Dezenvolvimentu tenki hala’o eleisaun Parlamentar, Prezidente, Eleisaun Lideransa Komunitáriu”. Nia hakotu
Enkuanto Xefe suku eleitu sira sei simu pose iha loron proklamasaun unilateral Timor Leste 28 novembru semana oin
ESTJ: Renhy/Fynha
Editor: Lian Orluli
