Lian Orluli— Iha Domingo ne’e Amu Paroku Alberty Franco Morato Hateten, gasta osan paroqia nian rihun lima ba Rehabilata Kartório Paroqia Ainaro
“Osan husi paroqia nian mak hodi hala’o rehabilita de’it, ita gasta osan rihun lima ba mão de obra ho matérial sira ne’e hodi rehabilita edifisiu Kartóriu, Kartóriu ne’e la’os edifisiu foun, ne’e antiga, tuir istória uluk edifisiu ne’e Madre kanosiana sira mak uza ba koleiju femenina nian iha tempu portugés nian, Durante ne’e fatin ne’e uza ba eskola, fatin treinamentu no fatin ba bainaka nian, komu ha’u mai hare katak kartóriu sedauk iha edifisiu no fatin ne’e uza ba eskola ho ida ne’e hau kolia ho amu vigáriu nudár diretór eskola atu muda estudante sira eskóla hotu iha sorin,atu nune’e edifisiu ida ne’e hodi rehabilita bele uza fila-fila ba Kartória paroqial nian, tan durante ne’e ita hare katak kartória hamutuk hela ho rejidensia fatin klo’ot sarani sira mai atendementu ba sira ladun di’ak”, dehan Pe. Alberty iha ambitu inagura kartóriu Paróqua Ainaro
Nune’e Pe. Alberty hatutan funsionáriu ne’ebé servisu iha kartóriu salariu tuir governu nia ne’ebé fo sai husi SEFOPE
“Funasionariu sira ne’ebe servisu iha katóio hamutuk na’in lima, madre ida n’ebé responde ba finansa parókia nian, finansia to’o agora sira sei simu nia saláriu tuir estandar governu ni’an ne’ebé husi SEFOPE nian, fulan ida $ 115 finger print/ absensia ne’e atu hanorin sira atu disiplina de’it mai tuir oras servisu nian no fila mos tuir oras servisu nian“. Nia hakotu
Enkuantu kartóriu Paroqia Ainaro lansa husi Pe. Vigáriu Jeral, Grasiano Santos Barros Pe. Alberty Franco Morato, Pe. Eugeniu Redentor, akompanha Autoridade Munisipiu Ainaro Manuela Georguina Cramo Bucar Corte-Real inklui ho sarani Parokia Nosa Senhora de Fátima Ainaro.
STJ : Fynha sarmento
Editór: Lian Orluli
