Lian Orluli 13/02/2026, Dili – Ministru Obras Públika, MOP Samuel Marçal, promote sei konstroi diak liu tan jardin husi Ponte Habibie to’o Crito Rei hodi halo furak sidade Dili
Ministru Obras Públikas Samuel Marçal hateten Planu kona ba jardin ne’ebe husi ponte Habibie ba Cristo Rei, dadaun ne’e hahu lao ona balun no planu iha tempu besik sei hari’i mos statua lalaefk ida iha rotunda metiaut
Nia konfirma, planu no dezeñu 3D dadaun ne’e aprezenta ona ba Prezidente RDTL no iha resposta Pozetivu, iha tempu besik sei halao nia konstrusaun hodi hein statua Lafaek refere to’o Timor
“Estatua lafaek ne’e mai husi Portugal maibe halo iha xina, parese fulan oin to’o ona iha ne’e, mak depois imi hotu sei ba hare’e, iha los rotunda ida iha ne’eba, rotunda ida atu sae ba rezidensia prezidente nian ne’e, sei tau iha ne’e, prezidente mos kolia ona ho PM mos konkorda para atu tau estautua ne’e iha ne’eba”, dehan MOP Samuel Marcal hafoin remata enkontru ho prezidente RDTL sesta ne’e 13/02/2026
Governante ne’e subliña, bainhira governu iha planu ne’ebe diak hodi halo sidade Dili sai furak, nia parte sei oferese hela fatin sobu gratuita no la iha rekompensasaun ruma, tanba ne’e nia enkoraja komunidade no negosiante sira ne’ebe rezidensia besik estrada ninin no tasi-ibun diresaun Habibie to’o Cristo Rei atu bele kopera diak ho estadu hodi halo dezenvolvimentu
“Ohin hau mos aprezenta ona ba prezidente, ne’e governu nia planu, prezidente mos dehan hau konkorda tetebes, inklui hau nia uma mos, se governu nia planu sobu, sobu, la presiza indiminizasaun, ne’ebe hau mos aproveita oportunidade ida ne’e atu aviza hela ba maluk sira hela iha tasi ibun ne’eba, depois ita halo sei alista la’os sobu deit maibe prepara mos, sira ne’ebe negosiante, ita sei prepara kondisaun ne’ebe diak liu, depois de konstrusaun hotu, sira bele tama ba utiliza fila-fali fatin sira ne’e, nafatin kontinua sira nia negosiasaun”, Governante ne’e enkoraja
Alende ne’e ministru MOP ne’e mos esklarese katak dau-daun ne’e timor-Leste tama ona ba membru ASEAN tuir planu iha tinan balu tan TL se’i sa’i mos uma nain ba iha simeira ASEAN ninian ho nune’e presiza hahu hadia halo dezenvolvimentu
Jornalista: Alves Carvalho
Editor: Clementina Fátima
