Ainaro Lian Orlului 08-09-2022- Faluk Cristina do Rozária ho idade 80, ho nia oan Manuela do Rozária idade 43 ne’ebe ho kondisaun difisensia, maske moris iha kapital Ainaro maibé tinan barak la asesu ba eletrisidade, tamba laiha kbi’it atu dada ahi ba uma.
“Durante ne’e ha’u liga ahi husi ema nia uma, maibé dadaun ne’e ema tesi ona fiu enerjia eletrisidade ba iha uma. Tamba ne’e iha tempu kalan ami sunu de’it lampadinhas no lilin hodi fó roman iha tempu kalan”,esplika Faluk Cristina do Rozária ba Media Orluli Tersa (13/09/22) iha nia rejidénsia Kotpere Ainaro.
Nia haktuir tan, alende problema eletrisidade nian iha mos problema rai ne’ebé durante ne’e sira utuliza hari uma hodi hela, parte rai na’in haruka hamamuk ona rai refere, tanba konsidera rai ne’e la’os eransa Cristina do Rozário nian.
“Ami hela iha rai pedasuk ne’e durante tinan hitu ona, maibé agora rai na’in hakarak haruka ami sai no husik mamuk rai refere, tanba rai ne’e eransa husi rai na’in la’os ha’u nian”.dehan Cristina.
Cristina haktuir tan durante ne’e nia moris faluk maibé nia esforsu halo toos sustenta nia ho nia oan Ana Manuela ne’ebe kondisaun difisente ho bei oan na’in tolu to’o agora.
“Ha’u kaer tos kuda batar, aifarina inklui lakeru hodi fó han oan no bei oan sira, ha’u nia kbi’it la to ona, ha’u nia oan Manuela (Ana) nia kondisaun difesiente hela labele kaer tos tamba ne’e ha’u maka tenki halo duni hodi bele sustenta ami nia moris loron-loron”.dehan nia Cristina.
Alende ne’e Ana Manuela do Rozária (difesiente) oan husi Cristina hatutan nia iha oan nain 3, maibé dadaun ne’e sira ses hotu husi nia ba hela ho ema hodi buka moris
.
”Ha’u nia ama mak kaer tos hodi fó han hau no hau nia oan sira, hau nia oan hamutuk nain 3, primeiru ne’e para iha eskla primaria 6 ano no segundu ne,e remata Sekundária no agora servisu iha bombeirus ida eskola primaria 4 ano deit. agora sira ses hotu husi hau nia sorin, nune sira ba hela ho ema hodi buka moris”. Katak Manuela do Rosario
Nia hatutan tan durante ne’e sedauk hetan apoiu ruma husi governo, maske sira infreta hela situasaun susar nia laran.
Tamba ne’e Ana Manuela husu ba governo tau atensaun bele fo netik ajuda ruma ba sira, hodi bele sustenta vida moris loron-loron nian.
Enkuantu Jornalista Orluli news observa Faluk nain rua Cristina do Rozária ho oan Ana Manuela do Rozária hela mesak iha uma ne’ebé kondisaun Didin lolon dodok ona no la asesu ba eletrisidade iha tempu kalan baihira atu hetan roman tenki uja lilin ho lapadiñas hodi bele hetan roman.
Editor: lian Orluli
