Ainaro Lian Orluli— Família husi matebian Orlando Martins, hato’o obrigado barak ba ekipa konjunta ne’ebé hetan ona sira nia oan alin nia isin mate iha baliza entre Ramelau ho Atsabe.
Ekipa konjunta kompostu husi Autoridade Protesaun Sivíl munisípiu Ainaro, PNTL, estudante eskola katólika na’in feto Ramelau inklui komunidade postu administrativu Hato-builico, iha kuarta feira horseik (17/02/23), hetan ona joven Orlando Martins ne’ebé laiha ona iss, iha área Ramelau ne’ebé baliza ho postu Atsabe munisípiu Ermera
Titorio colo, núdar maun husi orlando martins agradese no fó obrigado ba ekipa konjunta ne’ebé hetan ona, nia alin iha Ramelau, inklui jornálista Lian Orluli ho RTTL ne’ebé fó sai prosesu buka tuir sidadaun Oecussi na’in rua ne’ebé lakon hodi fó sai iha públiku
“ Ami husi familia Orlando Martins hato’o agrdese wain ba familia hotu iha Postu Hato-buliko no ekipa konjunta PNTL,APC,F-FDTL ho sira nia tulun ami bele hetan fali alin nain rua nia isin mate,” Titorio colo, núdar maun husi matebian Orlando Martins, hateten
Albano Bianco, núdar membru operasional, autoridade protesaun sivíl munisípiu Ainaro, sente orgulhu buka tuir joven na’in rua Riando falo no Orlando Martins, haleu foho Ramelau ikus mai konsege hetan duni isin mate sidadaun na’in rua nee.
“Senti orguilho boot ho ami nia servisu ne’ebé ami halao nia finalidade hetan duni sidadadun nain rua nia isin maske ho kondisaun laiha iis, durante ami buka mesmu que iha terenu ami hasoru difikuldae, tanba ho klimatika nebe’e ami hasoru udan boot no rai malirin, maibe’e la hamate ami nia vontade no nafatin buka to hetan sidadaun nai rua ne’e,” Albano Bianco, membru Operasional Autoridade Protesaun sivíl munisípiu Ainaro, hato’o
Entertantu joven Riando Falo no Orlando Martins, lakon iha Ramelau, iha loron ualu fulan nee, bainhira komunidade hetan fali motorizada marka genio ho sapa matriku s pontu 6898 tl ne’ebé sidadaun konduz para hela iha santuariu ai-guarema, tamba ne’e sidadaun sira lansa informasaun iha redi sosial hafoin ekipa konjunta hodi buka tuir sidadaun Riando Falo no Orlando Martins iha Ramelau
Editór : Lian Orluli
