Lian Orluli— Ho Festa Kristu Nai Liurai Amu Pároko Maubisse Selebra Missa Hamutuk Ho Xefe Suku Eleitu no Re-Eleitu Domingu Ne’e.
Liu husi Homelia Amu Pároko Maubisse Pe. João Soares hateten, Liurai tenki sai atan ba nia Povu , no sai Lider ne’ebé diak tenki prioritiza uluk Povu nia prokupasaun laos prioritiza Uluk ba Bolsu, basa sai Liurai hanesan Vokasaun ne’ebé tenki kumpri.
“Nai Liurai sira, nai Administrador , Familia sira sai Liurai ne’e Vokasaun. entre Suku ida-idak ne’ebé ema matenek barak maibe tambasa tenki o, tenki ita bót, tenki imi tamba Nai Maromak laran monu ba imi Nai Maromak hatene katak, imi sei kopera ho Kristu Liurai atu sai atan ba Povu ida ne’e. Hanesan Horibairua hau ho Xefe Suku Maubisse hasoru malu ho Madre Protugeusa ida hasai nia lia fuan ida mai Xefe Suku ami nain rua sai Lider Prioriza Povu laos Prioriza Bolsu.” Dehan Bibiatan ba Sarani Paroqiua Maubisse liu husi Selebrasaun Missa ba Loron Kristu Nai Liurai nian hamutuk ho Xefe Suku Eleitu no Re-Eleitu, inklui Sarani Paroquianos Postu Administrativu Maubisse Munisípiu Ainaro 26/11/2023.
Xefe Suku Re-eletu Suku Maubisse Villa Wilson Nivio mendoça , reprejenta Xefe Suku Eleitu no Re-Elitu liu husi nia diskursu hateten nia parte agradese ba Amu Pároko Maubisse tamba ho inisiativa selebra Missa agradesementu ida ne’e hamutuk, relasiona ho Festa Kristu Nai Liura nian.
“Agradese tebes ba iha opurtunidade ne’ebé fó mai iha ita, ho grasa Maromak nian ohin ita hotu bele halibur-an hamutuk iha ida ne’e, hodi bele hasa’e ita nia agradesementu ba Maromak ba diak tomak ida ne’ebé Nia haraik ba ita ohin ita selebra Missa agradesementu ne’ebé relasiona ho Missa Tinan Kristu Liurai nian. Iha opurtunidade ida ne’e hau hakarak ható agradesementu ba iha Amu Pároko Maubisse ne’ebé mai ho inisiativu ida ne’ebé diak bele selebra Missa ida ne’e ba Xefe do Suku 9 ho nia estrukturas tomak Postu Administrativu Maubisse Munisípiu Ainaro, no mós ba Sarani doben iha Suku 9”. Hateten Xefe Suku Maubisse Villa.
Biban ida ne’e Autoridade másimu Postu Administrativu Maubisse Munisípiu Ainaro Claudino Mendonça kuntinua fundamenta;
“Ba Xefe Suku Eleitu no Re-Eleitu sira ohin Loron Espesial ba ito bót sira hodi ukun, ita bót sira nia kna’ar ba Mandatu Tinan 7. Relasiona ho Loron Kristu Nai Liurai ita bót sira mós haknarar-an núdar tinan hitu ne’e hanesan Atan hodi Servi ita bót sira nia povu iha ita nia Suku. Knár ne’ebé maka ita bót sira simu laos kna’ar ida previleziu bót ida premu bót ba ita bót sira. Responsablidade durante Tinan hitu ita bót sira sei hasoru objtakulu mai husi Komunidade sira, maibe dezafiu ho obstaklu la sai hanesan bareira hodi satan netik ita bót sira labele halao servisu.” Dezafia Administrador Postu Maubisse.
Entertantu Partisipa iha Missa ne’e Xefe Suku Eleitu no Re-Eleitu Inklui Membrus Konsellu Suku husi Suku 9, Administrador Postu Maubisse, Komandante PNTL Esquadra Maubisse, Autoridade Ptotesaun Sivil Munisípiu Ainaro no Sarani Paroquia Imaculado Coração de Maria Maubisse (PICOMA)
Jornalista Joanina da Lus
Editór Moises Magno
